வெளிநாட்டுக் கோயில்கள் அமெரிக்கா ( பகுதி - 1 )

ராதே கிருஷ்ணா 10 - 11 - 2011

வெளிநாட்டுக் கோயில்கள்

அமெரிக்கா  ( பகுதி - 1 )

கோவில்கள் சுவாமி நாராயண் மந்திர், அட்லாண்டா செப்டம்பர் 12,2011,16:47  IST மேலும் படங்கள் >> அமெரிக்காவில் உள்ள ஜியார்ஜியா மாகாணத்தில் உள்ள அட்லாண்டாவில், சுவாமிநாராயணனுக்கு புதிய கோயில் எழுப்பப்பட்டுள்ளது. வெளிநாடுகளில் கல்வேலைப்பாடு அமைந்த இந்துக் கோயில்கள் பத்தில் இதுவும் ஒன்று. கோயில் அமைப்பு : 30 ஏக்கர் பரப்பளவு கொண்ட கோயில் இது. கட்டிட அளவு 22ஆயிரத்து 442 சதுரடி. கோயிலின் வெளிப்புறம் துருக்கி லிம்ரா சுண்ணாம்புக்கல்லால் ஆனது. தரைத்தளம் இத்தாலிய கராரா மார்பிளால் உருவாக்கப்பட்டுள்ளது. அடித்தளம் இந்திய மணற்பாறைகளால் அமைந்தது. 15 கிலோ எடையுள்ள சிறிய கல்லில் இருந்து 5.2 டன் எடையுள்ள பெரிய கல்வரை, 8430 டன் எடையுள்ள கற்கள் இக்கோயில் கட்டுமானப் பணிக்கு பயன்படுத்தப்பட்டுள்ளது. இக்கோயிலில் 40 ஆயிரம் கற்துண்டுகள் உள்ளன. கோயிலின் நீளம் 213 அடி. அகலம் 122 அடி. விதானம் கூம்பு வடிவில் அமைக்கப்பட்டுள்ளது. கோயிலுக்கு உள்ளேயும் வெளியேயும் பரிக்ரமா (வலம் வருதல்) செய்ய வசதியுள்ளது. ஐந்து பெரிய கலசங்களும், நான்கு சிறிய கலசங்களும், ஒரு பெரிய மாடமும், ஆறு சிறிய மாடங்களும், 129 வளைவுகளும், நான்கு பால்கனிகளும்,14 ஜன்னல்களும், 151 தூண்களும், 75 விதானங்களும் இக்கோயிலில் உள்ளன. 39 வகையான டிசைன்கள் கோயிலின் அழகுக்கு மேலும் மெருகூட்டுகிறது. கோயிலில் உள்ள மண்டபத்தில் கடைசல் வேலைப்பாடுடன் கூடிய தூண்களும், ஜன்னல்களும் அருமையாக உள்ளன. படிக்கற்கள் மார்பிளால் ஆனவை. கீழ்தளம் முழுவதும் ஜெல் டியூபால் உஷ்ணமாக்கப்பட்டுள்ளது. பைபர் ஆப்டிக் முறையில் ஒளியூட்டப்பட்டுள்ளது. கோயில் கட்ட 19 மில்லியன் டாலர் செலவு செய்யப்பட்டுள்ளது. சிறப்பம்சம்: தூண்களில், வேத, புராண நிகழ்ச்சிகளைச் சித்தரிக்கும் சித்திர வேலைப்பாடுகள் கண்களைக் கவரும். முழுகட்டமைப்பும் "சிற்ப சாஸ்திர' அடிப்படையிலேயே அமைந்துள்ளது. மார்பிள், சுண்ணாம்புக்கல் வெளிநாடுகளில் இருந்து இந்தியாவிற்கு இறக்குமதி செய்யப்பட்டு, குறுகலான கூம்பு அமைப்பு, ரோஜாமலர் சிற்பங்கள், இலை போன்ற 500க்கு மேற்பட்ட சிற்பங்கள் செதுக்கப்பட்டன. அவை அட்லாண்டாவிற்கு கொண்டு செல்லப்பட்டது. ஆலய வரலாறு : 1980 களில் இப்பகுதியில் வாழ்ந்த சுவாமி நாராயண் பக்தர்களால், இந்துக்கள் கூடும் இடமாக இக்கோயில் அமைக்க தீர்மானிக்கப்பட்டது. 1988ம் ஆண்டு பழைய பாழடைந்த மண்டபம் ஒன்று வாங்கப்பட்டு, அதில் தற்காலிக கோயில் அமைக்கப்பட்டது. பின்னர் அந்த பாழடைந்த மண்டபம் சீரமைக்கப்பட்டு தற்போது உள்ள பிரம்மாண்ட கோயிலாக உருப்பெற துவங்கியது. 2000ம் ஆண்டு பிப்ரவரி மாதத்தில் இக்கோயிலின் விரிவாக்கப்பணிகள் நடத்தப்பட்டது. 2005 ம் ஆண்டு செப்டம்பர் மாதம் கோயிலுக்கென சொந்தமாக நிலம் முடிவு செய்யப்பட்டு, அடிக்கல் நாட்டப்பட்டது. 2006ம் ஆண்டு மார்ச் மாதம் முதல் சுவாமி நாராயண் மந்திர் முழுமை பெற்ற ஆலயமாகவும், பக்தர்கள் கூடும் இடமாக செயல்படத் துவங்கியது. ஆலய நேரம் : அனைத்து நாட்களும் காலை 9 மணி முதல் மாலை 6 மணி வரை ஆலயம் திறந்துள்ளது. முகவரி : BAPS Shri Swaminarayan Mandir 460 Rockbridge Road நவ் ஸ்ரீதேவி கருமாரியம்மன் இந்துக் கோயில்,கல்கேரி ஜூலை 02,2011,14:44  IST மேலும் படங்கள் >> தலவரலாறு : கனடாவில் கல்கேரி பகுதியில் அமைந்துள்ள அழகிய ஆலயம் அருள்மிகு ஸ்ரீதேவி கருமாரியம்மன் இந்துக் கோயிலாகும். லாப நோக்கமற்ற அமைப்பாக இக்கோயில் செயல்பட்டு வருகிறது. கல்கேரி பகுதியில் நிறுவப்பட்ட முதல் தென்னிந்திய ஆலயம் இது என்பது குறிப்பிடத்தக்கது. இக்கோயிலின் முக்கிய தெய்வமாக ஸ்ரீதேவி கருமாரியம்மன் அருள்பாலிக்கிறார். மேலும் இவ்வாலயத்தில் கணபதி, முருகன், ஹனுமன், சிவன், ஐயப்பன், லட்சுமி நாராயணன், சனீஸ்வர பகவான் ஆகிய தெய்வங்களுக்கும் தனித்தனியே சன்னதி அமைந்துள்ளது.  கோயில் நேரம் : திங்கள் முதல் வெள்ளி வரை மாலை 6.30 மணி முதல் இரவு 8.30 மணி வரையும், சனிக்கிழமைகளில் காலை 11 மணி முதல் பகல் 1 மணி வரையிலும், மாலை 6.30 மணி முதல் இரவு 8.30 மணி வரையும், ஞாயிற்றுக்கிழமைகளில் காலை 11 மணி முதல் பகல் 1.30 மணி வரையிலும் கோயில் திறந்திருக்கப்படுகிறது. ஆலய முகவரி : Srithevi Karumari Amman Hindu Temple, 55 325 West Winds Crescent NE Calgary, Alberta,Canada , T3J 5H2 தொலைப்பேசி : 403-293-9788 or 403-975-3341 or403-973-2311 இ-மெயில் : karumari2007@yahoo.ca இணையதளம் :  http://karumariamman.org/default.அச்ப்க்ஸ் ஸ்ரீ முருகன் ஆலயம், அல்பர்டா ஜூலை 02,2011,12:42  IST மேலும் படங்கள் >> தல வரலாறு : கனடாவின் அல்பர்டா பகுதியில் உள்ள கல்கேரி அருகே உள்ள மலைப்பகுதியில் அமைந்துள்ளது ஸ்ரீ முருகன் ஆலயம். தனிமை சூழ்ந்த பகுதியில் அமைந்துள்ள இவ்வாலயம் 1994ம் ஆண்டு இப்பகுதியில் வாழ்ந்த முருகன் பக்தர்களால் கட்டப்பட்டதாகும். இவ்வாலயத்தை சுற்றிலும் இந்துக்களின் எண்ணிக்கை நாளுக்கு நாள் அதிகரிக்கத் துவங்கியதால் சிறிய ஆலயமாக அமைக்கப்பட்ட இந்த ஆலயம் அல்பர்டா ஸ்ரீ முருகன் சமூகம் என்ற பெயருடன் செயல்பட்டு வருகிறது. முருகன் பக்தர்களால் நிர்வகிக்கப்பட்டு வரும் இக்கோயில், அல்பர்டா பகுதியில் இந்து கலாச்சாரம் மற்றும் ஆன்மிகத்தை மேம்படுத்தும் வழிபாட்டு தலமாக விளங்குகிறது. ஸ்ரீ முருகன் ஆலயத்தில் மாதம் ஒரு முறை மாத பஜனைக்கு முன் குழந்தைகளுக்காக மாலை 4 மணி முதல் 5 மணி வரை சமய வகுப்புக்கள் நடத்தப்பட்டு வருகின்றன.  ஆலய முகவரி : Sri Murugan Society of Alberta. Suite 124, 305 - 4625 Varsity Drive NW, Calgary, AB T3A 0Z9. இ-மெயில் : albertamurugan@gmail.com இணையதளம் : http://www.albertamurugan.org/home.html

ஸ்ரீ ஹனுமன் மந்திர், அல்பர்ட்டா, அட்லாண்டா மே 28,2011,16:03  IST மேலும் படங்கள் >> ஆலய வரலாறு : அட்லாண்டாவின் அல்பர்ட்டா நகரில் 2010ம் ஆண்டு மார்ச் மாதம் 29ம் தேதியன்று ஸ்ரீ ஹனுமன் மந்திர் அமைக்கப்பட்டது. அனைத்து மக்களாலும் எளிதில் அறியப்படும் அம்மாகிச்சன் அருகே இக்கோயில் அமைந்துள்ளது. இக்கோயிலில் நாள்தோறும் அபிஷேக ஆராதனைகளும், லலிதா சகஸ்ரநாம பாராயணம், விஷ்ணு சகஸ்ரநாம பாராயணம், ஹனுமன் மந்திர பாராயணம் உள்ளிட்டவைகள் நடத்தப்பட்டு வருகின்றன. மேலும் இக்கோயிலில் யோகா மற்றும் தியான வகுப்புக்களும் வழக்கமாக நடத்தப்பட்டு வருகின்றன. இக்கோயிலின் ஒரு பகுதியில் இந்திய உணவகமும், மளிகை கடையும் அமைக்கப்பட்டுள்ளது. இக்கோயிலில் திறமை வாய்ந்த புரோகிதர்களால் ஆகம விதிப்படி அனைத்து கால பூஜைகளும் நடத்தப்படுகின்றன. கோயில் நேரம் : காலை 9 மணி முதல் இரவு 12 மணி வரை; வார இறுதி நாட்களில் காலை 9 மணி முதல் இரவு 9 மணி வரை இக்கோயில் பக்தர்களின் தரிசனத்திற்காக திறக்கப்படுகிறது.  ஆலய முகவரி : The Hanuman Mandir,390 Cumming Street Suite B, Alpharetta, GA 30004  தொலைப்பேசி : (770) 475-7701  இ-மெயில் : info@Thehanuman.org இணையதளம் : http://thehanuman.org

அருள்மிகு இந்துக்கோயில், அட்லாண்டா ஏப்ரல் 07,2011,16:36  IST மேலும் படங்கள் >> தலவரலாறு : அமெரிக்காவின் அட்லாண்டா பகுதியில் 1970 களின் பிற்பகுதியில் வாழ்ந்த மக்கள், மிகச் சிறிய அளவில் ஆலயம்‌ ஒன்றை அமைத்து வழிபாடு நடத்தி வந்தனர். எஸ்.பி.ரெட்டி, பி.கே.மோகன், சைலேந்திரன், ஹரி உபத்யாயா உள்ளிட்ட சிலர் ஒன்றுணைந்து அட்லாண்டா பகுதியில் இந்துக்கோயில் ஒன்றை அமைக்க தீர்மானித்தனர். பின்னர் நாஸ்வேலி பகுதியில் சிறிய அளவில் வீடு ஒன்றில் தற்காலிகமாக கோயில் அமைக்கப்பட்டு வழிபாடு நடத்தப்பட்டது. இப்பகுதியில் வாழ்ந்த இந்து மக்களிடம் இருந்து 10 ஆயிரம் டாலர்கள் வீதம் வசூலிக்கப்பட்டு கோயிலுக்கான இடம் தேர்வு செய்யப்பட்டது. முதல்கட்டமாக 5 நிலங்கள் தேர்வு செய்யப்பட்டு, பின்னர் தற்போது உள்ள இடத்தில் கோயில் அமைக்க அனைவரும் ஒப்புக் கொண்டனர். அட்லாண்டா பகுதி இந்துக் கோயிலின் அடிக்கல்நாட்டு விழாவில் அல்பனா, டென்னிஸ்சி, புளோரிடா, கரோலினா உள்ளிட்ட பகுதிகளைச் சேர்ந்த சுமார் 400 க்கும் மேற்பட்ட பக்தர்கள் கலந்து கொண்டனர். ஆகமவிதிப்படி அமைக்கப்பட்டுள்ள இக்கோயில், சைவ மற்றும் வைணவ முறைகள் கலந்ததாக அமைக்கப்பட்டுள்ளது. வைணவ முறையிலும் வைகாசன மற்றும் பஞ்சரத்ர முறைகளின்படி இக்கோயில் அமைக்கப்பட்டுள்ளது இதன் தனிச் சிறப்பாகும். இக்கோயில் 2 முதல் 16 நிலைகளையும், 7 பிரகாரங்களையும் கொண்ட பிரம்மாண்ட கோயிலாக அட்லாண்டா பகுதியில் காட்சியளிக்கிறது. இக்கோயிலின் கருவறை திருப்பதி வெங்கடேஷ்வரர் திருக்கோயிலின் கருவறையை மாதிரியாகக் கொண்டு அமைக்கப்பட்டுள்ளது. வெங்கடேஷ்வரர் சன்னதியில் வலது புறம் ஸ்ரீதேவி சன்னதியும், இடதுபுறம் சத்யநாராயணர் சன்னதியும் அமைந்துள்ளது. சுற்றுபிரகாரத்தில் துர்கையம்மன் சன்னதியும், கருவறையின் முன்புறம் கருடாழ்வார் சன்னதி, பலிபீடம், கொடிமரம் ஆகியன அமைந்துள்ளன. கணேசர், ஆஞ்சநேயர், நவகிரகங்கள் ஆகியோர் தனித்தனி சன்னதியில் அமர்ந்து பக்தர்களுக்கு அருள்பாலித்து வருகின்றனர். வெங்கடேஷ்வர சன்னதியின் விமானம் ஆனந்த விமானம் என்றழைக்கப்படுகிறது. முகப்பு வாயிலில் 5 நிலைகளைக் கொண்ட ராஜகோபுரம் அமைந்துள்ளது.  1986ம் ஆண்டு ஜூன் மாதம் 22ம் தேதி‌யன்று புதிய கோயிலுக்கான அடிக்கல் நாட்டப்பட்டது. சுமார் 3 வருடங்களுக்கு பிறகு 1989 ம் ஆண்டு மார்ச் மாதம் இக்கோயிலின் முதல்கட்டப் பணிகள் துவங்கப்பட்டது. சுமார் 21 மாதங்கள் இந்தியாவில் இருந்து வரவழைக்கப்பட்ட சிற்ப கலைஞர்களைக் கொண்டு தென்னிந்தியாவை ஆண்ட சேர, சோழ மன்னர்களின் கட்டிட கலைகளின் கலவையாக இக்கோயில் அமைக்கப்பட்டது. இக்கோயிலில் மகா கணபதி விக்ரஹகம் முதன் முதலாக பிரதிஷ்டை செய்யப்பட்டது. 1993ம் ஆண்டு மே மாதம் வெங்கடேஷ்வரர், ஸ்ரீதேவி, பூதேவி, துர்க்கை, நவகிரகங்கள், ஆஞ்சநேயர் உள்ளிட்ட விக்ரஹங்கள் பிரதிஷ்டை செய்யப்பட்டன. அதனைத் தொடர்ந்து கோயிலின் விரிவாக்கப் பணிகளின் முதல்கட்டமாக கலாச்சார நிகழ்வுகள் நடத்துவதற்கென கலையரங்கம் ஒன்று அமைக்கப்பட்டது. தடைகள் மற்றும் சோதனைகள் பலவற்றை கடந்து நீண்ட காலத்திற்கு பிறகே இக்கோயிலின் 2ம் கட்டப் பணிகள் துவங்கப்பட்டன . யாகசாலை, கல்யாண மண்டபம், மடப்பள்ளி, போஜனஅறை உள்ளிட்ட 11 நிலைகளைக் கொண்ட கோயிலாக இக்கோயில் அமைக்கப்பட்டது.  ராஜகோபுரம், சுமார் 40 அடி உயரம் கொண்டதாக உள்ளது. நான்கு நிலைகளைக் கொண்ட ராஜகோபுரத்தில் ஒவ்வொரு நிலையும் 76 தூண்களைக் கொண்டதாக அமைக்கப்பட்டுள்ளது. ராஜகோபுரத்தின் ஒவ்வொரு நிலை பிரகாரங்களிலும் மகாவிஷ்ணுவின் அவதார சிற்பங்கள் அலங்கரிக்கின்றன. ராஜகோபுரத்தின் கிழக்கு பகுதியில் தட்ஷிணாமூர்த்தி, நரசிம்மர், ஆதிவராகர் உள்ளிட்ட மூர்த்திகளின் சிற்பங்கள் சோழர் கால முறைப்படி அமைக்கப்பட்டுள்ளது. கருவறையில் வெங்கடேஷ்வர சன்னதிக்கு வலது புறம் ஆதிவராகர், நரசிம்மர், சத்யநாராயணர், வெங்கடேஷ்வரர், ராமர், கிருஷ்ணர், தட்ஷிணாமூர்த்தி, சண்டிகேஸ்வரர் உள்ளிட்ட தெய்வங்களும், கருவறையின் இடது புறத்தில் சரஸ்வதி, லட்சுமி, மீனாட்சி, காமாட்சி, ராஜேஸ்வரி, காமகோடி சக்தி, சுப்ரமணிய சுவாமி, கணேசர் உள்ளிட்ட தெய்வங்களின் சன்னதிகள் அமைந்துள்ளன. 996ம் ஆண்டு மே மாதம் 25, 26 ஆகிய இரண்டு தினங்கள் இக்கோயிலின் மகாகும்பாபிஷேக விழா மிகச் சிறப்பாக நடைபெற்றது. அதன் தொடர்ச்சியாக மே 27ம் தேதியன்று மகாசத்ய நாராயண பூஜை மிகப் பிரம்மாண்டமான அளவில் நடத்தப்பட்டது. ஆலய முகவரி : THE HINDU TEMPLE OF ATLANTA INC. 5851, GA HWY 85, RIVERDALE, GA-30274 தொலைப்பேசி : 770-907-7102 பேக்ஸ் : 770-907-6080 இ-மெயில் : lnsimhan@hindutempleofatlanta.org இணையதளம் : www.hindutempleofatlanta.org

அருள்மிகு கணேசர் திருக்கோயில் கொலம்பியா மேலும் படங்கள் >> ஆலய வரலாறு : அமெரிக்காவின் பிரிட்டிஷ் கொலம்பியா பகுதியில் அமைந்துள்ளது அருள்மிகு கணேசர் திருக்கோயில். சமூக சேவை மன்றமாக பதிவு செய்யப்பட்ட இவ்வமைப்பு 1999ம் ஆண்டு அறிஞர்கள் மற்றும் பக்தர்களின் வழிபாட்டு தேவையை பூர்த்தி செய்வதற்காக அருள்மிகு கணேசர் திருக்கோயில் உருவாக்கப்பட்டது. கவய் இந்து துறவிகள் மட நிறுவனர் சத்குரு சிவாய சுப்ரமணியசுவாமி என்பவரால் இக்கோயிலில் மூலவர் விக்ரஹம் இக்கோயிலுக்கு வழங்கப்பட்டது. ஹவாய் தீவில் உள்ள துறவிகள் மடம் தென்னிந்திய பாரம்பரிய முறைப்படி அமைக்கப்பட்டிருப்பதற்கும் இவரே முக்கிய காரணமாகும்.  பிரிட்டிஷ் கொலம்பியா மற்றும் கனடா பகுதியில் உள்ள ஆயிரக்கணக்கான இந்துக் குடும்பங்கள் ஒன்று கூடும் இடமாக இக்கோயில் திகழ்கிறது. அதனால் இக்கோயில் ஆன்மிக, கலாச்சார, கல்வி, சமூக நிகழ்வுகள் மற்றும் சேவைகள் செய்யும் இடமாகவும் செயல்படுத்தப்பட்டு வருகிறது. தற்போது இக்கோயிலுக்கு விநாயகப் பெருமானை வழிபட வரும் பக்தர்களின் எண்ணிக்கை நாளுக்கு நாள் அதிகரித்த வண்ணம் உள்ளது. இந்துக்களின் விழாக்கள் மற்றும் சிறப்பு பிரார்த்தனைகளும் மாதந்தோறும் இக்கோயிலில் நடத்தப்பட்டு வருகிறது. அனைத்து பக்தர்களும் அமர்ந்து பிரார்த்தனை செய்யும் அளவிற்கு பெரிய பிரார்த்தனை கூடம் ஒன்றும் அமைக்கப்பட்டுள்ளது. சிறுவர்கள், பெரியவர்கள் என சுமார் 100 குடும்பங்களைச் சேர்ந்த பக்தர்கள் கோயிலில் தன்னார்வ தொண்டு புரிந்து வருகின்றனர். ஆதரவற்றோருக்கு உதவி செய்தல், வீடற்றோருக்கு தங்குவதற்கு வசதி செய்து கொடுத்தல், உணவு வழங்குதல், சுனாமி போன்ற இயற்கை பேரழிவுகளில் பாதிக்கப்பட்டோருக்கு உதவி செய்தல் உள்ளிட்ட பல்வேறு சமூல நல செயல்பாடுகளையும் இவர்கள் மேற்கொண்டு வருகின்றனர். இந்த சமூக ஆர்வலர்கள் வசூலித்து கொடுத்த நன்கொடைகளின் மூலம் 2004ம் ஆண்டு கோயிலுக்கென தனியிடம் பெறப்பட்டு, 2006ம் ஆண்டு தற்போது உள்ள ஆலயம் அமைக்கப்பட்டது.  கோயிலின் சிறப்புக்கள் : குழந்தைகள், இளைஞர்கள், முதியவர்கள் என அனைத்து தரப்பினரையும் கவரும் விதமான தியானம், ஆன்மிகம் உள்ளிட்ட பயிற்சிகள் அளிக்கப்படுகிறது. ஆன்மிகம், ஆரோக்கியம் மட்டுமின்றி பெரியோர்களுக்கு மதிப்பளிக்கும் பண்பும் கற்றுத் தரப்படுகிறது. அனைத்து தரப்பினருக்குமான நூலகம், வழிபாட்டுக் கூடம், திருமணம் உள்ளிட்ட வைபவங்கள் நடத்துவதற்கான மண்டபம், உணவுக் கூடம் உள்ளிட்ட ஏராளமான வசதிகள் இக்கோயிலில் செய்யப்பட்டுள்ளது. இத்துடன் வாகன வசதி, ‌நந்தவன வசதி, சேமிப்பு அறை, அலுவலக அறை உள்ளிட்ட கூடுதல் வசதிகளும் செய்யப்பட்டுள்ளது. ஆலய முகவரி : Sri Ganesh Temple Society of British Columbia 7656 Main Street  Vancouver, BC V5X 3K3 தொலைப்பேசி : 604-327-2924 இணையதளம் : http://www.sriganeshbc.com  அருள்மிகு முருகன் திருக்கோயில் மற்றும் கலாச்சார மையம், சன் வேளி நவம்பர் 28,2010,16:35  IST மேலும் படங்கள் >> ஆலய வரலாறு : அமெரிக்காவின் இதாஹோ மாகாணத்தில் உள்ள சன்வேளி பகுதியில் அமைந்துள்ளது அருள்மிகு முருகன் திருக்கோயில். கலாச்சார மைத்துடன் அமைந்துள்ள இக்கோயிலின் முக்கிய தெய்வம் பழனியாண்டவர் ஆவார். கற்பகிரகத்தில் உள்ள இவரின் விக்ரஹம் இந்தியாவில் பழநி மலை ஆண்டவரின் உருவத்தை ஒத்துள்ளது. ஆண்டிக் கோலத்தில் மலை மீது காட்சி தரும் முருகப் பெருமான் இம்மலையில் நிகழ்த்தும் அற்புதங்கள் எண்ணில் அடங்காதவை. யோகா மற்றும் தியான பயிற்சி மேற்கொள்வோர் பலர் இக்கோயிலுக்கு நாள்தோறும் வந்த வண்ணம் உள்ளனர். இயற்கை சூழ்ந்த சமவெளி பகுதியாக விளங்குவதால் யோகா மற்றும் தியானம் செய்வதற்கு ஏற்ற இடமாக இக்கோயில் திகழ்கிறது. எந்தவிதமான சீதோஷண நிலை காணப்பட்டாலும் கெட்சூம் பகுதி பச்சை நிறம், தங்க நிறம், வெண்மை நிறம் ஆகியனவாக மாறி மாறி காட்சி அளிக்கிறது. 5750 அடி உயர சிறிய கிராமமான கெட்சூம், இதாஹோவில் இருந்து 12000 அடி உயரத்தில் அமைந்துள்ளது. பக்தர்களின் வசதிக்காக 8800 அடியில் மலை மீது வேல் பிரதிஷ்டை செய்யப்பட்டுள்ளது. இக்கோயிலில் மூலவராக காட்சி தரும் முருகப் பெருமானும் கையில் வேலுடன் எளிமையாக, சாந்த ஸ்வரூபமாக காட்சி தருகிறார்.  முக்கிய தெய்வங்கள் : பழநி தண்டாயுதபாணியுடன் கணேசர் பத்து கரங்களுடன் மகாகணபதியாக காட்சி தருகிறார். அவர்களுடன் சிவன் நடராஜராகவும், நர்மதேஸ்வர லிங்கமாகவும் அருள்பாலிக்கிறார். யோக நிலையில் உள்ள தட்சிணாமூர்த்தியுடன், நவகிரக சன்னதியும் இக்கோயிலில் அமைந்துள்ளது. வாரம்தோறும் ஞாயிற்று கிழமைகளில் சூரிய பகவானுக்கு சிறப்பு பூஜைகள் நடத்தப்படுகிறது. கோயில் நேரங்கள் : திங்கள் முதல் வெள்ளி வரை காலை 8.30 மணி முதல் பகல் 1.00 மணி வரையும், பகல் 2.00 மணி முதல் மாலை 5.00 மணி வரையும் கோயில் திறக்கப்படுகிறது. சனி, ஞாயிறு மற்றும் விடுமுறை நாட்களில் காலை 8.30 மணி முதல் மாலை 5.00 மணி வரை கோயில் நடை திறக்கப்படுகிறது.  ஆலய முகவரி : Sri Murugan Temple and Cultural Center of Sun Valley 160 North Main Street, Post Box: 6454, Ketchum, ID 833340 தொலைப்பேசி : 208 726-7555 இ-மெயில் : srimurugankovil@yahoo.com இணையதளம் : http://www.sunvalleytemple.org/ குவார்டு சிட்டி இந்துக்கோயில், இல்லினோய்ஸ் இந்துக் கோயில், குவாட், இல்லினோயிஸ்  மேலும் படங்கள் >>  தல வரலாறு : அமெரிக்காவின் இல்லினோய்ஸ் மாகாணத்தில் உள்ள ராக்ஸ் ஐலாந்து பகுதியில் உள்ள பிரம்மாண்ட ஆலயம் குவார்டு சிட்டி இந்துக்கோயிலாகும். 2001 ம் ஆண்டு டிசம்பர் மாதம் 2 ம் தேதி குவார்டு சிட்டி பகுதியில் உள்ள லோகநாதன் குமிட்யாலா என்பவரது இல்லத்தில் இந்துக்கள் சிலர் ஒன்று கூடி இப்பகுதியில் இந்துக்கோயில் அமைக்க தீர்மானித்தனர். 2002 ம் ஆண்டு ஜனவரி 12 ம் தேதி குவார்டு சிட்டி பகுதியில் இந்துக்கோயில்கள் அமைக்கும் பணியில் அப்பகுதியில் வாழ்ந்த இந்துக்கள் ஈடுபட துவங்கினர். இந்த இந்து மதக் கூட்டங்களின் விளைவாக சுமார் 8000 சதுரடி நிலப்பரப்பில் வழிபாட்டுத்தலம் மற்றும் கலாச்சார நிகழ்வுகளுக்கான இடம் நவீனமயமாக உருவாக்கப்பட்டது. பல தடைகளைத் தாண்டி வெற்றிகரமாக இக்கோயிலின் பணிகள் உருப்பெறத் துவ ங்கின. இப்பகுதியில் வாழ்ந்த இந்துக்களின் பெருத்த ஆதரவுடன் நிலைத்த கட்டிடமாக டக்கோயில் வடிவமைக்கப்பட்டது. இதற்காக இந்துக்கள் பலர் பல வழிகளிலும் பொருள் உதவி செய்தனர். இக்கோயிலில் சுமார் 7294 சதுரடி பரப்பளவில் பாலாஜி, ராதா கிருஷ்ணன், சீதா ராமா, நரசிம்மர், சிவன், பார்வதி, விநாயகர் மற்றும் முருகன் போன்ற தெய்வங்களை உள்ளடக்கிய பிரம்மாண்ட ஆலயமாக குவார்டு சிட்டி இந்துக்கோயில் உருவானது. 2007 ம் ஆண்டு ஏப்ரல் 27 முதல் 29 ம் தேதி வரை கொண்டாடப்பட்ட நூதன உற்சவ மூர்த்தி சம்ப்ரோக்ஷன விழாவின் போது ஏப்ரல் 28 ம் தேதி இக்கோயிலின் மிகப் பெரிய அளவில் இக்கோயிலின் திறப்பு விழா நடத்தப்பட்டது. <உலகம் முழுவதிலும் இருந்து நூற்றுக்கணக்கான இந்துக்களின் நன்கொடைகளை கொண்டு இக்கோயில் வளர்ச்சி அடைந்தது. இக்கோயிலுக்கான கட்டுமானப் பணிகள், நிதி திரட்டும் பணிகள், வடிவமைத்தல் போன்ற பணிகளில் ஏராளமானோர் ஈடுபட்டனர். இல்லினோய்ஸ் மாகாணத்தில் லாப நோக்கமற்ற அமைப்பாக செயல்பட்டு வரும் இக்கோயிலுக்கு உலகம் முழுவதிலும் இருந்து ஏராளானமான பக்தர்கள் வந்து செல்கின்றனர்.  தலவரலாறு : கோயில் நேரங்கள் :  நவம்பர் 3 - மார்ச் 31 :  திங்கள் - வெள்ளி : காலை 10.00 - பகல் 12.00 ; மாலை 5.00 - இரவு 7.00  சனி, ஞாயிறு : காலை 9.00 - இரவு 7.00  ஏப்ரல் 1 - அக்டோபர் 31 :  திங்கள் - வெள்ளி : காலை 9.30 - பகல் 11.30 ; மாலை 5.30 - இரவு 8.00  சனி, ஞாயிறு : காலை 9.00 - இரவு 8.00  தினசரி பூஜை :  காலை 9.30 - 10.00 : வெங்கடேஷ்வர சுப்ரபாதம்  10.00 : நித்ய ஆராதனை  இரவு 7.15 - 7.30 : வெங்கடேஷ்வரருக்கு இறுதி அர்ச்சனை மற்றும் சயன உற்சவம்  7.30 : கோயில் நடை சாற்றல்   : கோயில் முகவரி Quad City Hindu Temple 9801 14th St W Rock Island, IL 61201 (Near Ridgewood Elementary School) தொலைப்பேசி : 309-787-(4463)  HIND  இ-மெயில் :   info@qchindutemple.com இணையதளம் :  www.qchindutemple.com பாரதிய ஏக்தா மந்திர், அரிசோனா ஜூன் 17,2010,15:39  IST தெற்கு கலிஃபோர்னியா இந்துக் கோயில் நவம்பர் 19,2008,16:11  IST மேலும் படங்கள் >> ஆலய வரலாறு : அரிசோனாவின் போனிக்ஸ் பகுதியில் இந்திய அமெரிக்க கலாச்சார மற்றும் மதங்களின் ஒருங்கிணைந்த சின்னமாக விளங்குவது பாரதிய ஏக்தா மந்திராகும். இக்கோயில் 1987ம் ஆண்டு சமூக ஒருங்கிணைப்பு கூடமாக இந்திய சமூகத்தினரால் உருவாக்கப்பட்டது. அவர்கள் இவ்வமைப்பை கொண்டு சமூக, கலாச்சார மற்றும் மத தொண்டு புரிந்து வந்தனர். மேற்கு மெரிலாந்து பகுதியில் 1988ம் ஆண்டு சமுதாய கூடம் ஒன்று அமைக்கப்பட்டது. சுமார் 2.5 ஏக்கர் பரப்பளவில் கடனாக பெற்ற தொகையை கொண்டு 1994ம் ஆண்டு சமுதாய கூடம் கட்டி முடிக்கப்பட்டது. அதன் பிறகு இந்திய அமெரிக்க சமூக நிகழ்வுகள் பலவும் இங்கு நடைபெற துவங்கியது. 1999ம் ஆண்டு அமைப்பிற்கான நிர்வாகிகள் தேர்வு செய்யப்பட்டனர். இக்குழுவின் மூலம் கோயிலுக்கான நிலமும் நிதியும் திரட்டப்பட்டது. பின்னர் சமூதாய கூடத்தையே விரிவுபடுத்தி, வழிபாட்டு தலமாக மாற்றவும் தீர்மானிக்கப்பட்டது. ஆனால் சமூக அமைப்பினரின் சீறிய முயற்சியால் கோயிலுக்கென் 4.5 ஏக்கரில் நிலம் பெறப்பட்டது. 2001ம் ஆண்டு அரிசோனா பகுதியில் பாரதிய ஏக்தா மந்திர் லாப நோக்கமற்ற அமைப்பாக அமைக்கப்பட்டது. மக்கள் கூடும் இடமாக உருவாக்கப்பட்ட ஏக்தா மந்திர், மெல்ல மெல்ல சிற்ப கலைகள் கொண்டு கோயில் மேம்படுத்தப்பட்டது. சுமார் 200 குடும்பங்களின் ஒத்துழைப்புடன் தற்போது 12310 சதுரடியில் ஏக்தா மந்திர் கம்பீரமாக காட்சியளிக்கிறது.  முக்கிய தெய்வங்கள் : விநாயகர், சிவன், வெங்கடேஷ்வரர், ராம பரிவாரங்கள், கிருஷ்ணர். கோயில் நேரம் : திங்கள் முதல் வெள்ளி வரை காலை 9 மணி முதல் பகல் 12 மணி வரையும், மாலை 6 மணி முதல் இரவு 8 மணி வரையும் கோயில் திறக்கப்படுகிறது. சனி மற்றும் ஞாயிற்றுக்கிழளைகள் மற்றும் விடுமுறை நாட்களில் காலை 10 மணி முதல் இரவு 8 மணி வரை பக்தர்களின் தரிசனத்திற்காக கோயில் திறக்கப்படுகிறது.  ஆலய முகவரி : Bharatiya Ekta Mandir of Arizona  Hindu and Jain Temple , Phoenix A Registered non-profit organizationIRS 501-c3 2804 W. Maryland Ave.,  Phoenix AZ 85017 இணையதள முகவரி : http://www.ektamandirarizona.org/index.html  மரகத கல் மூலவரை கொண்ட காரியசித்தி ஹனுமன் ஆலயம், டெக்சாஸ் ஆலய வரலாறு : பரம பூஜ்ய சுவாமிகளால் தலாஸ் மற்றும் ஹோஸ்டன் பகுதி பக்த கோடிகளின் உதவியுடன் 2007 ம் ஆண்டு ஆகஸ்ட் 11ம் தேதியன்று அருள்மிகு காரிய சித்தி ஹனுமன் ஆலயம் அமைக்க திட்டமிடப்பட்டது. தலாஸ் பகுதியில் இதற்கான நிலம் தேர்வு செய்யப்பட்டு, மரகத காரிய சித்தி ஹனுமன் ஆலயம் அமைக்கப்பட்டது. வட அமெரிக்கா மற்றும் ஐரோப்பா பகுதியில் மரகத கல்லால் வடிவமைக்கப்பட்ட மூலவரைக் கொண்ட ஒரே ஆலயம் இது என்பது குறிப்பிடத்தக்கது. படன் ரோங் பகுதியில் செப்டம்பர் மாத இறுதியில் ஆலயத்திற்கான நிலம் தீர்மானிக்கப்பட்டு, 2008ம் ஆண்டு ஜனவரி மாதம் இந்நிலம் விலைக்கு வாங்கப்பட்டது. பிரிஸ்கோ நகரின் முக்கிய இடத்தில் இக்கோயில் அமைந்திருப்பதால், பக்தர்கள் வந்து செல்ல எளிதாக இருந்தது.  2008ம் ஆண்டு சுற்றுச்சுவர், பூங்கா, கார் நிறுத்தும் இடம் உள்ளிட்ட நவீன வசதிகளுடன் சுமார் 10,000 சதுரடி நிலப்பரப்பில் இக்கோயில் உருவாக்கப்பட்டது. இக்கோயிலில் பிரதிஷ்டை செய்வதற்கென இந்தியாவின் ஜெய்ப்பூர் நகரில் இருந்து பிரத்யேகமாக செந்தூர நிறத்தில் ஹனுமன் சிலை வரவழைக்கப்பட்டது. இக்கோயிலில் கூடுதல் சிறப்பாக 2008ம் ஆண்டு ஏப்ரல் மாதம் 11ம் தேதி ஹனுமன் ஜெயந்தி தினத்தன்று, முன்னர் பிரதிஷ்டை செய்யப்பட்டிருந்த ஹனுமன் சிலைக்கு முன் சுமார் 5 ஆடி உயர ஹனுமன் சிலையும் பிரதிஷ்டை செய்யப்பட்டது.  2009ம் ஆண்டு ஜூலை மாதம் 3ம் தேதியன்று ஹனுமன் கலாச்சார மையம் மற்றும் காரியசித்தி ஹனுமன் ஆலயம் ஆகியன கட்டும் பணிகள் இறுதி கட்டத்தை எட்டின. 2009ம் ஆண்டு ஜூலை 12ம் தேதியன்று ஆலயத்தின் வழிபாட்டு அரங்கில் ஹனுமன் விக்ரஹத்தின் பிரண பிரதிஷ்டை விழா நடைபெற்றது. அன்றைய தினம் இவ்வாலயத்தின் மகாகும்பாபிஷேகமும் மிகச் சிறப்பாக நடத்தப்பட்டது. பிற தெய்வங்கள் : கணபதி, அம்பாள், சிவன், நாகர் உள்ளிட்ட தெய்வங்களும் இக்கோயிலில் பிரதிஷ்டை செய்யப்பட்டுள்ளது. கோயில் நேரங்கள் : திங்கள் - வெள்ளி : காலை 10.00 - பகல் 1.00 ; மாலை 5.30 - இரவு 8.30 வார இறுதி மற்றும் விடுமுறை நாட்கள் : காலை 9.30 - இரவு 8.30 ஆரத்தி : பகல் 12.00 மற்றும் இரவு 8.00 அன்னதானம் : சனிக்கிழமை தோறும் பகல் உணவும், திருவிழா காலங்களில் இரவு உணவும் பக்தர்களுக்கு வழங்கப்படுகிறது. ஆலய முகவரி : Karya Siddhi Hanuman Temple, 12030 Independence Pkwy, Frisco, TX-75035 தொலைப்பேசி : (866)996-6767 இ-மெயில் : info@dallashanuman.org இணையதளம் : http://www.dallashanuman.org/index.php  ஸ்ரீ ஷீரடி சாய் பாபா திருக்கோயில், கொலரடோ ஜூலை 20,2009,14:59  IST நியூயார்க் ஸ்டாடென் தீவின் ஒரே இந்துக்கோயில் நவம்பர் 24,2008,15:46  IST மேலும் படங்கள் >> தலவரலாறு : அமெரிக்காவின் கொலரடோ மாகாணத்தில் உள்ள ஷீரடி சாய்பாபா பக்தர்களால், கொலரடோ பகுதியில் உள்ள இந்துக் கோயிலின் ஒரு பகுதியாக ராக்கி மவுன்டைன் ஷீரடி சாய் அமைப்பின் மூலம் உருவாக்கப்பட்டதே ஸ்ரீ ஷீரடி சாய்பாபா திருக்கோயிலாகும். சாய் பாபா அமைப்பின் மூலம் குழந்தைகளுக்காக ஷீரடி சாய்பாபாவின் வாழ்க்கை வரலாறு, ஆன்மிகம், சமூகம், கலாச்சாரம், மதம் போன்றவற்றை போதிக்கும் சமய வகுப்புக்கள் நடத்தப்பட்டு வருகின்றன. இக்கோயிலில் ஒவ்வொரு மாதமும் கடைசி சனிக்கிழமை தோறும் சிறப்பு அபிஷேகங்கள் மற்றும் ஆராதனைகள் நடத்தப்படுகின்றன. இது தவிர தொடர் சாய்பாபா பஜனைகள், சாய் ஆரத்தி மற்றும் ஆன்மிக கலந்தாய்வுகள் ஆகியன நடத்தப்படுகின்றன.  கோயில் நேரங்கள் :  திங்கள் - வெள்ளி : காலை 10.00 - பகல் 2.00 ; மாலை 5.00- இரவு 9.00 சனி மற்றும் ஞாயிறு : காலை 9.00 - இரவு 9.00 கோயில் முகவரி :  ஸ்ரீ ஷீரடி சாய்பாபா திருக்கோயில், 8375, சவுத் வேட்ஸ்வர்த் போல்வர்டு, லிட்டில்டன், கொலரடோ-80128-0617. இ-மெயில் : mgrhtcc@comcast.net இணையதளம் : http://www.hindutempleofcolorado.org  அருள்மிகு பத்ரி நாராயணர் திருக்கோயில், இல்லினோயிஸ் ஜூலை 20,2009,15:39  IST மேலும் படங்கள் >> தலவரலாறு : அமெரிக்காவின் இல்லினோயிஸ் மாகாணத்தில் அமைந்துள்ள அருள்மிகு பத்ரி நாராயணர் திருக்கோயில், சிகாகோவில் உள்ள சின்மயா மிஷனால் உருவாக்கப்பட்டதாகும். இக்கோயிலில் 1993ம் ஆண்டு அக்டோபர் 24ம் தேதியன்று வெள்ளை மார்பிளால் ஆன பத்ரி நாராயணர் சிலை ஸ்தாபிக்கப்பட்டது. இந்த ஸ்தாபன மஹோற்சவம் மிகப் பெரிய அளவில் கொண்டாடப்பட்டது. இவ்விழா சுவாமி தேஜோமயானந்தாவால் நடத்தி வைக்கப்பட்டது. முன்னதாக 1993ம் ஆண்டு ஜூலை முதல் தேதியன்று இக்கோயில் நிர்மானிப்பதற்கான இடத்தை, பூஜ்ய குருதேவ் சக்கர நாற்காலியில் சென்ற தேடி, அவ்விடத்தில் நடைபெற வேண்டிய திருப்பணிகள் குறித்தும் ஆலோசனை வழங்கினார். மிகப் பெரிய அளவில் அமைக்கப்பட்டுள்ள வழிபாட்டு அறையின் மையப்பகுதியில், அமர்ந்த நிலையில் அருள்மிகு பத்ரி நாராயணர் அருள்பாலிக்கிறார். இக்கோயிலில் பத்ரி நாராயணர் அருளால் பல்வேறு ஆன்மிக மற்றும் கலாச்சார நிகழ்வுகள் நடைபெற்று வருகின்றன. கோயில் முகவரி :  சிகாகோ சின்மயா மிஷன், பத்ரி நாராயணர் திருக்கோயில், 11 எஸ் 80 ரூட் 83, வில்லியோவ்புரூக், இல்லினோயிஸ்-60527, யு.எஸ்.ஏ. தொலைப்பேசி : +1-630-654 3370 இணையதளம் : www.chinmayamission.org/chicago  அருள்மிகு சிவன் திருக்கோயில், மிச்சிகன் ஜூலை 20,2009,16:52  IST மேலும் படங்கள் >> தலவரலாறு : அமெரிக்காவின் மிச்சிகன் மாகாணத்தில் உள்ள அருள்மிகு சிவன் திருக்கோயில், அன் அர்பர் பகுதியில் உள்ள சின்மயா மிஷனால் உருவாக்கப்பட்டது. இக்கோயில் 2000 ம் ஆண்டு ஜூலை 29ம் தேதியன்று நிர்மானிக்கப்பட்டது. 2002ம் ஆண்டு ஆகஸ்ட் மாதம் இக்கோயிலில் உள்ள மூர்த்திகள் சுவாமி தேஜோமயானந்தாவால் ஸ்தாபனம் செய்யப்பட்டது. இக்கோயிலின் முக்கிய தெய்வம் சிவ பெருமான் ஆவார். இக்கோயிலில் சிவ பெருமான் தியான நிலையில் அமர்ந்த வடிவில் ஆனந்த சொரூபனாக காட்சி அளிக்கிறார். மேலும் இக்கோயிலில் சிவலிங்கமும், நந்தி தேவரும் பிரதிஷ்டை செய்யப்பட்டுள்ளனர். கோயில் முகவரி : அன் அர்பர் சின்மயா மிஷன், சின்மயா அவந்திகா, 4760 பேக்கர்டு ரோடு, அன் அர்பர், மிச்சிகன்-481808, யு.எஸ்.ஏ. தொலைப்பேசி : +1-734-434 1740 இணையதளம் : www.chinmaya-aa.org   அருள்மிகு ராமர் திருக்கோயில், டெக்சாஸ் ஜூலை 21,2009,16:50  IST மேலும் படங்கள் >> தலவரலாறு : அமெரிக்காவின் டெக்சாஸ் மாகாணத்தில் உள்ள அருள்மிகு ராமர் திருக்கோயில், சின்மயா மிஷனால் உருவாக்கப்பட்டதாகும். இக்கோயில் 1999 ம் ஆண்டு டிசம்பர் மாதம் 26 ம் தேதியன்று, உலகளாவிய சின்மயா மிஷன் அமைப்பின் தலைவரான சுவாமி தேஜோமயானந்தாவால் துவங்கி வைக்கப்பட்டது. இக்கோயிலில் ராம பிரான், சீதா தேவி, லட்சுமணர் மற்றும் ஹனுமான் ஆகிய பரிவாரங்களுடன் கருவறையில் காட்சி அளிக்கிறார். இது தவிர கணேசர், சிவன் போன்ற தெய்வங்களுக்கென தனி சன்னதிகள் அமைக்கப்பட்டுள்ளது. கருவறையைச் சுற்றி கண்ணாடிகளின் மீது அழகிய வேலைப்பாடுடனான சின்மயா மிஷனின் சின்னம் பொறிக்கப்பட்டிருப்பது, இக்கோயிலின் தனிச்சிறப்பாகும். இதன் மீது காவி நிறத்தால் ஆன குருதேவரின் உருவம் பொறிக்கப்பட்டிருப்பது, இதற்கு மேலும் அழகு சேர்க்கிறது.  கோயில் முகவரி :  டாலாஸ் ஃபோர்ட் வொர்த் சின்மயா மிஷன், சின்மயா சாகெட், 17701 டவென்போர்ட் ரோடு,  டாலாஸ், டெக்சாஸ் -75252, யு.எஸ்.ஏ. தொலைப்பேசி : +1-972-250 2470 இணையதளம் : http://www.chinmayasaaket.org/  ஸ்ரீ வெங்கடேஷ்வரர் ஆலயம், தெற்கு டெக்சாஸ் ஜூன் 10,2010,16:00  IST மேலும் படங்கள் >> தலவரலாறு : தெற்கு டெக்சாஸ் இந்து சமூக அமைப்பின் சார்பில் கார்பஸ் கிறிஸ்டி பகுதியில் 2002ம் ஆண்டு ஆகம சாஸ்திர விதிப்படி ஸ்ரீ வெங்கடேஷ்வரர் திருக்கோயில் உருவாக்கப்பட்டது. தெற்கு டெக்சாஸ் பகுதியில் உள்ள இந்து சமூகத்தினருக்கு சேவை ஆற்றுவதும், மத சேவைகள் புரிவதும் இக்கோயிலின் முக்கிய நோக்கமாக கொள்ளப்பட்டது. தெற்கு டெக்சாஸ் இந்து சமூக அமைப்பின் உறுப்பினர்களான சுப்பாராவ் புர்ரா, லலிதா ஜானகி, ராமகிருஷ்ண முலுகுட்லா,பனுகந்த் பட்டேல், எம்.பி.சுதாகரன் ஆகியோரின் சீரிய முயற்சியால் இக்கோயில் கட்டப்பட்டது. கோயிலின் வளர்ச்சிப் பணியாக இந்திய சமூகத்தினருக்கு பயன்படும் விதமாக சமூக அரங்கம் ஒன்றும் அமைக்கப்பட்டது. லாப நோக்கமற்ற அமைப்பாக உருவாக்கப்பட்ட இந்த அமைப்பின் சமூக பணிகளுக்காக ஸ்டிவர்டு ரைஸ் என்பவரால் நிலம் பெறப்பட்டது. அதே சமயம் கோயிலுக்கென கணபதி, வெங்கடேஷ்வரர், பத்மாவதி, ஆண்டாள், சிவன், கருடர் மற்றும் துவாரபாலகர்கள் உள்ளிட்ட தெய்வ விக்ரஹங்கள் இந்தியாவிலிருந்து கொண்டு வரப்பட்டன. பல்வேறு கலாச்சார நிகழ்ச்சிகள் நடத்தப்பட்டு, கோயிலுக்கான நிதி வசூலிக்கப்பட்டது. கோயிலின் நிர்வாக உறுப்பினர்களின் முயற்சியாலும், பல்வேறு சமூக ஆர்வலர்களின் உதவியுடனும் கார்பஸ் கிறிஸ்டி பகுதியில் கோயிலுக்கான நிலம் பெறப்பட்டது. அந்த புதிய நிலத்தில் 2003ம் ஆண்டு ஜூன் 18ம் தேதியன்று வேத சாஸ்திர முறைப்படி கோயிலுக்கான அடிக்கல் நாட்டப்பட்டது. கோயிலில் பல்வேறு உறுப்பினர்களின் வேண்டுகோளின்படி கோயிலில் சுப்பிரமணிய சுவாமி, நவகிரகங்கள் உள்ளிட்ட சன்னதிகளும் கூடுதலாக அமைக்கப்பட்டது. இதை தவிர மார்பிள் கல்லால் வடிவமைக்கப்பட்ட ராதா கிருஷ்ணர், ராம பரிவாரங்கள் மற்றும் தத்தாத்ரேயர் உள்ளிட்ட தெய்வ சிலைகள் அமைக்கப்பட்டன. பின்னர் பக்த சமூகத்தின் ‌விருப்பத்தின் பேரில் கபீர்ஜி முனிவரின் சிலையிலும் கோயிலில் அமைக்கப்பட்டது.  2003ம் ஆண்டு அக்டோபர் மாதம் இந்தியாவின் திருப்பதியில் இருந்து புதிய கோயிலுக்கான வடிவமைப்பு மாதிரி தயார் செய்யப்பட்டு, அதற்கு பல்வேறு சமூக அமைப்புகளிடம் ஒப்புதல் பெறப்பட்டது. பின்னர் கோயிலின் வடிவமைப்பில் சிறிய மாற்றங்கள் செய்யப்பட்டு, கோயில் திருப்பணி துவங்கப்பட்டது. தெய்வ விக்ரஹங்கள் இந்தியாவிலிருந்து பெறப்பட்டு, தற்காலிக இடத்தில் பிரதிஷ்டை செய்யப்பட்டது. சாம்பவி தனஞ்சய சுவாமிகளால் இக்கோயிலுக்கு பார்வதி தேவி சிலையும் அனுப்பி வைக்கப்பட்டது. மிக நேர்த்தியாக, அழகுமிளிரும் விதமாக அமைக்கப்பட்ட இக்கோயிலுக்கு சத்யநாராயண ஆச்சார்யார் தலைமையில் 2005ம் ஆண்டு மே 24ம் தேதி முதல் 28ம் தேதி வரை மகாகும்பாபிஷேகம் நடத்தப்பட்டது. இவ்விழாவில் பெருந்திரளான பக்தர்கள் கலந்து கொண்டு சுவாமி தரிசனம் செய்தனர். கோயில் நேரம் : காலை 8.00 மணி முதல் பகல் 12.00 மணி வரை ; மாலை 5.30 மணி முதல் இரவு 8.30 மணி வரை. வார இறுதி மற்றும் விடுமுறை நாட்களில் காலை 8.00 மணி முதல் இரவு 8.30 மணிவரை கோயில் திறக்கப்படுகிறது.  ஆலய முகவரி : Sri Venkateswara Temple, South Texas Hindu Society, 10401 McKinzie Ln, Corpus Christi, TX 78410 தொலைப்பேசி : (361) 241 - 0550  இமெயில் : svtemple@southtexashindusociety.org இணையதளம் : http://svtempletexas.org  செய்திகள் செய்தி தொகுப்பு கோவில்கள் தமிழ் சங்கங்கள்தமிழ் வானொலி கோவில்கள் அருள்மிகு முருகன் திருக்கோயில், லாமேன்,வடஅமெரிக்கா ஜூலை 19,2009,16:35  IST மேலும் படங்கள் >> தலவரலாறு : அருள்மிகு முருகன் திருக்கோயில் வாஷிங்டனின் பெல்ட்வே பகுதிக்கு அருகில் அமைந்துள்ளது. வாஷிங்டனில் இருந்து சுமார் 10 மைல் தொலைவில் அமைந்துள்ள மேரிலாந்தின் லாமேன் பகுதியில் இக்கோயில் அமைந்துள்ளது. இந்திய சமூகத்தை சேர்ந்த மக்கள் அதிகளவில் வாழும் பகுதியில் இக்கோயில் அமைக்கப்பட்டுள்ளது குறிப்பிடத்தக்கது. சுமார் 7000 சதுரடி நிலப்பரப்பில் அமைந்துள்ள இக்கோயிலின் முக்கிய தெய்வம், தமிழ்க் கடவுளாம் முருகப் பெருமான் ஆவார். இக்கோயிலில் கருவறை தவிர மேலும் நான்கு தனி சன்னதிகள் அமைந்துள்ளது. இதில் விநாயகர், சிவன், மீனாட்சி அம்மை மற்றும் பழநி ஆண்டவர் ஆகிய தெய்வங்கள் வீற்றிருக்கின்றன. மேலும் இக்கோயிலில் கலாச்சார மண்டபம் மற்றும் கலை அரங்கம் ஆகியனவும் அமைக்கப்பட்டுள்ளன. கோயில் நேரங்கள் :  வாரத்தின் இறுதி நாட்கள், விடுமுறை நாட்கள் : காலை 9.00 - இரவு 9.00 வரை வார நாட்கள் : காலை 9.00 - பகல் 12.00 ; மாலை 5.00 - இரவு 9.00 கோயில் முகவரி : வட அமெரிக்க முருகன் கோயில்,                                                6300, பிரின்சஸ் கார்டன் பார்க்வே,                                               லாமேன், மேரிலாந்து-20706, யூ.எஸ்.ஏ. தொலைப்பேசி : 301-552-4889 பேக்ஸ்                   : 301-552-5043 இ-மெயில் :  info@murugantemple.org இணையதளம் : http://www.murugantemple.org மத்திய புளோரிடாவின் பக்தி பரவசமூட்டும் இந்துக்கோயில் நவம்பர் 26,2008,16:23  IST அருள்மிகு வெங்கடேஷ்வரர் திருக்கோயில், க்ளீவ்லாந்து ஜூலை 19,2009,15:58  IST மேலும் படங்கள் >> தலவரலாறு : அமெரிக்காவின் ஓஹியோ மாகாணத்தில் க்ளீவ்லாந்து பகுதியில் அமைந்த புன்னகை சிந்தும் மூலவரை உடைய திருக்கோயில், அருள்மிகு வெங்கடேஷ்வரர் திருக்கோயிலாகும். க்ளீவ்லாந்து மற்றும் அக்ரோன் பகுதியில் உள்ள மக்களின் வழிபாட்டிற்காக புதிய கோயில் ஒன்றை எழுப்ப, வெங்கடேஷ்வர சுவாமியின் பக்தர்களால் தீர்மானிக்கப்பட்டது. முதல்கட்ட ஆலோசனைக்குப் பிறகு, இந்திய சமுதாயத்தைச் சேர்ந்த ஏராளமான உறுப்பினர்களின் ஆதரவும், நன்கொடையும் அதிகரிக்கத் துவங்கியது. அதன் பின்னர் கோயிலுக்கான சரியான இடம் தேர்வு செய்யப்பட்டு, ஆகம விதிப்படி திருப்பதி, பிட்ஸ்பர்க் மற்றும் சி‌காகோ பகுதியில் உள்ளதைப் போன்று அழகிய கோயில் அமைக்கப்பட்டது. க்ளீவ்லாந்து, அக்ரோன் மற்றும் கன்டோன் பகுதியில் உள்ள பக்தர்களின் பேராதரவுடன் புதிய கோயில் அமைக்கப்பட்டது. இக்கோயிலின் முக்கிய தெய்வம் ஸ்ரீதேவி(லட்சுமி), பூதேவி (ஆண்டாள்) சமேத வெங்கடேஷ்வரர் ஆவார். மேலும் கருடர், ஆஞ்சநேயர் மற்றும் கணேசர் ஆகிய தெய்வங்களும் இக்கோயிலில் இடம்பெற்றுன. இக்கோயிலில் திருப்பதி தேவஸ்தானத்தில் உள்ளதைப் போன்று இரண்டு புரோகிதர்களைக் கொண்டு பூஜைகள் நடத்தப்படுகிறது. மாதத்திற்கு 1000 பக்தர்கள் வீதம் ஒவ்வொரு மாதமும் இக்கோயிலுக்கு வரும் பக்தர்களின் எண்ணிக்கை அதிகரித்து வருகிறது. கோயிலுக்கு அருகில் சுமார் 250 பேர் அமரும் விதமாக கலாச்சார மையம் அமைக்கப்பட்டுள்ளது. இக்கோயிலில் இந்து கலாச்சார மற்றும் பக்தி மார்க்கத்துடன் இணந்த இசை, நடனம் மற்றும் கலாச்சார நிகழ்வுகளின் அரங்கேற்றமும் இக்கோயிலில் தொடர்ந்து நடைபெற்று வருகிறது. கலாச்சார அரங்கில், மதம், இலக்கியம், இந்துக் கலாச்சாரம் போன்றவற்றை உள்ளடக்கிய சிறிய நூலகமும் அமைக்கப்பட்டுள்ளது. மேலும் இம்மையத்தில் பஜனைகள், ஆன்மிக வகுப்புக்கள், குழந்தைகளுக்கான கலை வகுப்புக்கள் ஆகியனவும் வழக்கமாக நடத்தப்பட்டு வருகின்றன.  கோயில் முகவரி : அருள்மிகு வெங்கடேஷ்வரர் திருக்கோயில்,                                                4462 சில்ஸ்பை ரோடு, யுனிவர்சிட்டி ‌ஹைட்ஸ்,                                               க்ளீவ்லாந்து, ஓஹியோ-44118. தொலைப்பேசி : (330) 668-1255 இணையதளம் : www.balajiusa.org  டொரன்டோ அருள்மிகு சிவ பெருமான் திருக்கோயில் ஜூன் 26,2009,16:43  IST மேலும் படங்கள் >> தலவரலாறு: கனடாவின் டொரன்டோ பகுதியில் உள்ள சின்மயா மிஷனால் அமைப்பு வளாகத்தில் துவங்கப்பட்ட அருள்மிகு சிவ பெருமான் திருக்கோயில், 1998ம் ஆண்டு ஜூலை 12ம் தேதியன்று சின்மயா சிவாலயம் என்ற பெரியருடன் தற்போதுள்ள புதிய இடத்திற்கு மாற்றியமைக்கப்பட்டது. கனடாவில் சின்மயா மிஷனால் உருவாக்கப்பட்ட சிவாலயங்களில் சிவபெருமானிற்கென உருவ வடிவில், தவக்கோலத்தில் அமர்ந்த நிலையில் உள்ள சிலை அமைக்கப்பட்டது இக்கோயிலில் மட்டுமே என்பது குறிப்பிடத்தக்கது. 2003ம் ஆண்டு ஜூலை மாதம் டொரன்டோ பகுதியில் புதிய நிலம் பெறப்பட்டு, சின்மயா மிஷனின் சிவாலயம் புதிய இடத்திற்கு மாற்றப்பட்டது. இந்த புதிய வழிபாட்டு மையத்தை சுவாமி தேஜோமயானந்தா முறைப்படி துவக்கி வைத்தார். கோயில் முகவரி: Chinmaya Mission Toronto, Chinmaya Shivalaya, 9796 Dufferin Street, Toronto, Ontario L6A 1S2, Canada தொலைப்பேசி: +1-905-417 2377 இணையதளம் : www.chinmayatoronto.org அருள்மிகு துர்க்கை அம்மன் திருக்கோயில், மென்ரியல்,கனடா ஜூன் 05,2009,16:43  IST மேலும் படங்கள் >> தலவரலாறு: கனடாவின் மென்ரியல் பகுதியில் உள்ள அருள்மிகு துர்க்கை அம்மன் திருக்கோயில், 1992ம் ஆண்டு பார்க் மெட்ரோ கட்டிடத்திற்கு எதிராக அமைந்துள்ள ஹட்சின்சன் தெருவில் அமைக்கப்பட்டதாகும். 1995ம் ஆண்டு ஜீன் டோலன் தெருவில் புதிய கோயில் அமைக்கப்பட்டு, அவ்வாண்டின் செப்டம்பர் மாதத்தில் இக்கோயிலின் கும்பாபிஷேகம் நடத்தப்பட்டது. அன்று முதல் இன்று வரை இலங்கை, இந்தியா, பங்களாதேஷ் உள்ளிட்ட உலகின் பல நாடுகளிலும் இருந்து பக்தர்கள் வந்த வண்ணம் உள்ளனர். இதனால் இக்கோயில் பெருமளவில் வளர்ச்சி பெற்றுள்ளது. 2000 ம் ஆண்டு நவம்பர் மாதம், ‌கோயில் அருகில் உள்ள கட்டிடம் ஒன்றும் வாங்கப்பட்டு, முக்கிய விழாக்களுக்கு பயன்படுத்தப்பட்டு வருகிறது. 2002 ம் நவம்பர் மாதம் பக்தர்கள் வசதிக்காக, வாகனங்கள் நிறுத்துவதற்கான இடமும் விரிவுபடுத்தப்பட்டது. பக்தர்கள் அனைவரின் ஒத்துழைப்பால் அருள்மிகு துர்க்கை அம்மன் திருக்கோயில் பெருமளவில் வளர்ச்சி கண்டுள்ளது. கோயில் முகவரி: Durkai Amman Koyil 271 Jean-Talon West, Montreal Quebec, H2R 2X8, Canada. தொலைப்பேசி: (514) 272-2956 இணையதளம் : http://mtldurkai.com அருள்மிகு வெங்கடேஷ்வரர் திருக்கோயில், தெற்கு டெக்சாஸ் ஜனவரி 26,2009,10:40  IST கோயில் அமைப்பு : அமெரிக்காவின் டெக்சாஸ் மாகாணத்தின் தெற்கு பகுதியில் அமைந்துள்ள அருள்மிகு வெங்கடேஷ்வரர் திருக்கோயில், இப்பகுதியில் உள்ள இந்து கலாச்சார மையத்தால் கட்டப்பட்டதாகும். இக்கோயில் கட்டிடம் ஆகம சாஸ்த்திர விதிப்படி கட்டப்பட்டதாகும். இக்கோயிலில் கணபதி, வெங்கடேஷ்வரர், பத்மாவதி தாயார், பூதேவி, சிவன், பார்வதி, சுப்ரமணியசுவாமி, தத்தாத்ரேயர், ராம பரிவாரங்கள், ராதா-கிருஷ்ணர், துர்க்கா தேவி, ஹனுமன், நவகிரகங்கள் மற்றும் சத்குரு ராம கபீர் தாஸ் போன்ற தெய்வங்கள் பிரதிஷ்டை செய்யப்பட்டுள்ளன. தற்போது இக்கோயிலில் ஒரு புரோகிதர் நியமிக்கப்பட்டு, பூஜைகள் தொடர்ந்து நடத்தப்பட்டு வருகிறது. கார்பஸ் கிறிஸ்டி, கோஸ்டல் பெண்ட், பள்ளத்தாக்கு மற்றும் தெற்கு டெக்சாஸ் பகுதிகளில் இருந்து ஏராளமான பக்தர்கள் இக்கோயிலுக்கு வந்த வண்ணம் உள்ளனர்.  கோயில் நேரங்கள் : காலை 8.00---பகல் 12.00 ; மாலை 5.30---இரவு 8.30  வார இறுதி நாட்கள் மற்றும் விடுமுறை நாட்கள் : காலை 8.00---இரவு 8.30 கோயில் முகவரி : Sri Venkateswara Temple, 10401 McKinzie Ln, Corpus Christi, TX - 78410  தொலைப்பேசி : (361) 241 - 0550 இணையதளம் : http://svtempletexas.org அருள்மிகு வெங்கடேஷ்வரர் தாமரை ஆலயம், விர்ஜினியா ஜனவரி 26,2009,10:28  IST மேலும் படங்கள் >> தலவரலாறு : அமெரிக்காவின் விர்ஜினியா மாகாணத்தில் உள்ள அருள்மிகு வெங்கடேஷ்வரர் தாமரை ஆலயம் மிகவும் புகழ்பெற்றதாகும். தாமரை வடிவத்தில் அமைந்திருப்பது இக்கோயிலின் சிறப்பம்சமாகும். ஆச்சாரியர் ஸ்ரீ.ஸ்ரீ.ஸ்ரீ. சைன ஜீயர் சுவாமியால் இக்கோயில் ஃபேர்பெக்ஸ் பகுதியில் கட்டப்பட்டது. தாமரையின் எட்டு இதழ்கள் விரிக்கப்பட்ட வடிவில், குளத்தின் நடுவில் இக்கோயில் அமைந்துள்ளது. தாமரையின் எட்டு இதழ்களும் அஷ்டகாஷ்சர மந்திரத்தை (ஓம் நமோ நாராயணாய) உணர்த்தும் விதமாக அமைந்துள்ளது. அமைதி, செல்வம், புகழ் ஆகியவற்றை அளிக்கும் சின்னமாக தாமரை விளங்குகிறது. சுற்றுப்புறத்தில் உள்ள தீமைகள் அழித்து, சுத்தத்தை ஏற்படுத்துவது தாமரையின் இயல்பாகும். இக்கோயில் சுமார் 18 ஏக்கர் நிலப்பரப்பில், அழகிய சூழலில் அமைந்துள்ளது. 2005 ம் ஆண்டு நவம்பர் 29 ம் தேதி அன்று இக்கோயிலுக்கு சிறப்பு சுற்றுப்புற அங்கீகாரம் அளிக்கப்பட்டது. இக்கோயிலின் பாலாலயத்தில் ஸ்ரீதேவி மற்றும் பூதேவி சமேத வெங்கடேஷ்வரர், ராம பரிவாரங்கள், தாயார், சுதர்சன நரசிம்ம சுவாமி, ஆண்டாள் போன்ற தெய்வங்கள் பிரதிஷ்டை செய்யப்பட்டுள்ளன. அமெரிக்காவிலேயே இக்கோயிலில் தான் முதன் முதலில் நம்மாழ்வார், பாகவத ராமானுஜர், மணவாளமாமுனி ஆகியோருக்கு விக்ரஹங்கள் அமைக்கப்பட்டு, ஆராதனைகள் நடத்தப்பட்டது. இக்கோயிலுக்கு வரும் பக்தர்கள் ஸ்ரீமன் நாராயணனை போன்று ஆழ்வார்களுக்கும் அர்ச்சனைகள் செய்து வழிபட்டு செல்கின்றனர்.  கோயில் முகவரி : Sri Venkateswara Lotus Temple of Virginia, 12501 & 12519, Braddock Road, Fairfax, Virginia 22030, USA தொலைப்பேசி : 703-815-4850  இ-மெயில் :raharam@yahoo.com இணையதளம் : www.svlotustemple.org  மேலும் படங்கள் >> தலவரலாறு : கனடாவிலுள்ள சாஸ்கட்சிவான் பகுதியில் அமைந்துள்ள இந்துக்கோயில், இந்து சமாஜ் அமைப்பினரால் உருவாக்கப்பட்டதாகும். இக்கோயில் 1987 ம் ஆண்டு ஜுன் மாதம் 15 ம் தேதி கட்டப்பட்டதாகும். இக்கோயில் 1990 ம் ஆண்டு செப்டம்பர் 13 அன்று பொதுமக்களின் வழிபாட்டிற்காக திறக்கப்பட்டது. லாப நோக்கமற்ற மத அமைப்பான இக்கோயில், கலாச்சார மேம்பாடு மிக்கதாகவும், குழந்தைகள் முதல் பெரியவர்கள் முதல் வழிபடும் மையமாகவும் அமைக்கப்பட்டது. இக்கோயிலில் யோகா, ஆழ்ந்த ஆன்மிகப் பயிற்சி வகுப்புக்கள், இந்துக் கலாச்சார வகுப்புக்கள் போன்றவைகளும் நடத்தப்படுகின்றன. இக்கோயில் மலைகளால் சுழப்பட்ட இயற்கை சூழலில் அமைந்திருப்பது, இக்கோயிலின் மற்றொரு சிறப்பம்சமாகும். ரிஜினா விமான நிலையத்தில் இருந்து சுமார் ஒரு மைல் தூரத்திலேயே இக்கோயில் அமைந்திருப்பதால், தொலைதூரத்தில் இருந்து வரும் பக்தர்கள் இக்கோயிலுக்கு வந்து செல்வதற்கு மிகவும் எதிதானதாக அமைந்துள்ளது. இக்கோயில் ஒவ்வொரு ஞாயிற்றுக்கிழமை அன்றும் காலை 10.30 மணி முதல் பகல் 1.00 மணி வரை திறந்திருக்கிறது. பகல் பொழுது பூஜை முடிந்தவுடன் தீபாரதணைக்கு பிறகு பிரசாதமும் பக்தர்களுக்கு வழங்கப்படுகிறது. பல்வேறு விதமான இந்துப் பண்டிகைகளும் இக்கோயிலில் ஆண்டுதோறும் கொண்டாடப்படுகிறது. கோயில் முகவரி : Hindu Temple, 3307 Pasqua Street, Regina, Saskatchewan,Canada, S4S 7G8 இணையதளம் : www.reginahindutemple.ca மாடிசன் இந்துக்கோயில், விஸ்கோசின் ஜனவரி 22,2009,10:54  IST மேலும் படங்கள் >> கோயில் அமைவிடம் : அமெரிக்காவின் விஸ்கோசின் பகுதியில் உள்ள மாடிசன் நகரில் அமைந்துள்ள இந்துக்கோயில், மாடிசன் மந்திர் என அழைக்கப்படுகிறது. ஆன்மிகம், மதம் மற்றும் கலாச்சார நோக்கங்களை உருவாக்குவதற்கும், வளர்ப்பதற்கும் இக்கோயில் உறுதுணை புரிகிறது. இக்கோயிலின் சார்பில் பல்வேறு கலாச்சார நிகழ்ச்சிகளும் நடத்தப்பட்டு வருகின்றன. யோகா, தியானம், சமஸ்கிருதம், ஹிந்தி வகுப்புக்கள், இசை வகுப்புக்கள் மற்றும் இந்திய கலாச்சார அம்சங்களை இளைய சமுதாயத்தினரிடம் கொண்டு செல்லும் வகையிலான முகாம்கள் ஆகியன ஆண்டுதோறும் இக்கோயிலில் நடத்தப்படுகின்றன.  கோயில் நேரங்கள் :  திங்கள் - வெள்ளி : காலை 10.00---பகல் 12.00  திங்கள்,செவ்வாய், வியாழன்,வெள்ளி : மாலை 6.00 ---இரவு 9.00. சனிக்கிழமை : காலை 11.00---இரவு 7.00  ஞாயிற்றுக்கிழமை : காலை 11.00---மாலை 6.00(பகல் உணவாக பிரசாதம்).  தீபாராதனை : காலை 11.30 மற்றும் இரவு 7.30 கோயில் முகவரி : Mandir of Madison & Community Center, 3393 Burke Road Sun Prairie, WI-53590. தொலைப்பேசி : 608 825 9200  இ-மெயில் : hindutemple@mandirofmadison.org இணையதளம் : www.mandirofmadison.org அருள்மிகு கணேசர் திருக்கோயில், டெக்சாஸ் ஜனவரி 22,2009,10:47  IST தலவரலாறு : அமெரிக்காவின் வட டெக்சாஸ் மாகாணத்தில் உள்ள பிளானோ பகுதியில் அமைந்துள்ள அழகிய ஆலயம் அருள்மிகு கணேசர் திருக்கோயிலாகும். இக்கோயில் 2005 ம் ஆண்டு துவங்கப்பட்டதாகும். வடக்கு டெக்சாஸ் பகுதியில் உள்ள பிளானோ பகுதியில் உள்ள இந்து சமுதாய நண்பர்கள் சிலர் ஒன்றிணைந்து வழிபாடு நடத்தி வந்தனர். மதம் மற்றும் ஆன்மீக தேவைகளுக்கான மையம் அமைப்பதற்கும், இப்பகுதியில் கோயில் அமைப்பதற்கும் இந்துக்கள் முடிவு செய்தனர். பன்னிரண்டு இந்துக்களின் கடுமையான முயற்சிக்கு பின்னர் கோயில் அமைத்திடும் எண்ணம் மிக விரைவிலேயே உருவம் பெற்றது. 2006 ம் ஆண்டின் துவக்கத்தில் இக்கோயிலுக்கான நிலம், அமைப்பு, உபயதாரர் போன்றவைகள் தீர்மானிக்கப்பட்டு, கோயிலுக்கான தற்காலிக அலுவலகமும் அமைக்கப்பட்டது. மேலும் இக்கோயிலுக்கு அருள்மிகு கணேசர் திருக்கோயில் என பெயரிடப்பட்டு, லாப நோக்கமற்ற அமைப்பாகவும் அங்கீகரிக்கப்பட்டது. 2006 ம் ஆண்டு மார்ச் மாதம் இக்கோயிலில் கணேசர் மற்றும் சிவலிங்கம் பிரதிஷ்டை செய்யப்பட்டு இந்து சமுதாய தேவைகளுக்காக திறக்கப்பட்டது. பின்னர் அவ்வாண்டு நவம்பர் மாதம் வள்ளி- தெய்வாணை உடனான முருகன் சிலையும், 2007 ம் ஆண்டு குருவாயூர் கிருஷ்ணன், சுவாமி ஐயப்பன், ஹனுமன், துர்க்கை மற்றும் ஸ்ரீதேவி-பூதேவி உடனான வெங்கடேஷ்வரர், சுதர்சனர் மற்றும் கருடன் போன்ற பரிவாரங்கள் உடனான பலவகையான தெய்வங்களும் பிரதிஷ்டை செய்யப்பட்டன. பக்தர்களின் ஒத்துழைப்புடன் 10 ஏக்கர் நிலத்தில் தற்போதுள்ள ஆலயம் அமைக்கப்பட்டது. இக்கோயிலின் ஐந்தாண்டு திட்டங்களுடன், கிரானைட்டால் ஆன தெய்வ சிலைகள், கல்வி மையம், கலாச்சார மையம் மற்றும் கல்யாண மண்டபம் உடனான நிரந்தர கட்டிடம் அமைக்கப்பட்டது. இக்கோயிலில் கணேச சதுர்த்தி, நவராத்திரி, தீபாவளி, வைகுண்ட ஏகாதேசி போன்ற விழாக்களும் இக்கோயிலில் தொடர்ந்து கொண்டாடப்பட்டது.  கோயில் நேரங்கள் :  திங்கள்- வெள்ளி : காலை 9.30--- பகல் 12.30 ; மாலை 5.30---இரவு 8.30 சனி, ஞாயிறு மற்றும் விடுமுறை நாட்கள் : காலை 9.00 ---இரவு 8.30  தீபாராதனை : பகல் 12.00 மற்றும் இரவு 7.45 கோயில் முகவரி : Sri Ganesha Temple, 6508, K-Avenue, PLANO, TX 75074 (Between Spring Creek and Legacy) தொலைப்பேசி : 972.943.9543  இணையதளம் : www.htnt.org அருள்மிகு ராஜகணபதி திருக்கோயில், நியூஜெர்சி ஜனவரி 10,2009,10:58  IST மேலும் படங்கள் >> தலவரலாறு : அமெரிக்காவின் நியூஜெர்சி பகுதியில் உள்ள அருள்மிகு ராஜகணபதி திருக்கோயில் மிகவும் புகழ்பெற்றதாகும். சிவகுரு ஆச்சாரிய ஸ்ரீ குமாரசுவாமி தீட்சிதர் 1994 ம் ஆண்டு ஆன்மிக வேத ஆகம சுதா என்ற இயக்கத்தின் மூலம் ஆலயம் ஒன்று கட்டப்பட்டது. நியூயார்க்கின் ஆல்பனி பகுதியில் நிறுவினார். அதன் மூலம் அமெரிக்காவில் உள்ள இந்து சமுதாயத்தினரிடையே வேதங்கள் மற்றும் ஆகமங்கள் பற்றிய உண்மை நிலையை உணர்த்தி விழிப்புணர்வை ஏற்படுத்துவதே இந்த இயக்கத்தின் முக்கிய நோக்கமாகும். இக்கோயிலின் கும்பாபிஷேகம் 2007 ம் ஆண்டு ஜுன் 22 முதல் ஜுன் 24 ம் தேதி நடத்தப்பட்டது. இக்கோயிலின் மாதாந்திர பூஜைகளில் ஏராளமான பக்தர்கள் கலந்து கொள்கின்றனர். 1984 ம் ஆண்டு அமெரிக்கா வந்த தீட்சிதர், பின்னர் ஆல்பனி இந்துக்கோயில் சேர்ந்தார். 1984 ம் ஆண்டு முதல் 2004 ம் ஆண்டு வரை ஆல்பனி இந்துக்கோயிலின் தலைமை குருக்களாக பணியாற்றினார். மேலும் அமெரிக்கா மற்றும் கனடா பகுதிகளில் உள்ள பெரும்பாலான கோயில்களின் சிற்ப ஸ்தாபனங்களின் தலைமை குருக்களாகவும், இயக்குனராகவும் இருந்து வந்தார். தெய்வீக மற்றும் வேத ஆகம விதிப்படி அமைக்கப்பட்ட லாப நோக்கமற்ற நிறுவனம் ஸ்ரீ சிவகுரு குமாரசுவாமி தீட்சிதரால் 1994 ம் ஆண்டு ஆல்பனி, நியூயார்க் பகுதிகளில் அமைக்கப்பட்டு வேத தர்மங்களும், சனாதன தர்மங்களும் கற்பிக்கப்பட்டன. இவர் வேத ஆகம விதிப்படி சிவகுரு ஆஸ்ரமம் ஒன்றை நியூஜெர்சியின் சுவீடிஸ்போரோ பகுதியில் 2004 ம் ஆண்டு உருவாக்கினார். இப்பகுதியின் இந்துக்கள் அனைவரும் இவ்வாசிரமத்தில் கூடி வழிபாடுகள் நடத்தி வந்தனர். பின்னர் அருள்மிகு ராஜகணபதி கோயிலுடனான வழிபாட்டு கூடத்தினையும் நியூஜெர்சியில் உருவாக்கிய பெருமை ஸ்ரீ சிவகுரு குமாரசுவாமி தீட்சிதரையே சேரும்.  கோயில் நேரங்கள் : அனைத்து நாட்களிலும் காலை 10.00 - பகல் 12.30 ; மாலை 5.30 - இரவு 8.00 வரை இவ்வாலயம் திறக்கப்படுகிறது.  கோயில் முகவரி : Sri Raja Ganapathy Temple, 774 Paulsboro Road , Swedesboro , NJ 08085 . தொலைப்பேசி : 856-832-0230 / 856-241-1008  இ-மெயில் : sivaguru_dixitar@yahoo.com  இணையதளம் : www.vedagamasudha.org வடஅமெரிக்காவின் மிக உயரமான ராஜகோபுரத்தை உடைய புளோரிடா இந்துக்கோயில் நவம்பர் 26,2008,16:26  IST மேலும் படங்கள் >> தலவரலாறு : அமெரிக்காவின் புளோரிடா மாகாணத்தில் <உள்ள தம்பா பகுதியில் அமைந்துள்ள மிக பிரம்மாண்ட ஆலயம் புளோரிடா இந்துக்கோயிலாகும். தம்பா பகுதியில் அமைந்துள்ள முக்கியப் பகுதியாக இக்கோயில் திகழ்கிறது. 1980 ம் ஆண்டு தம்பா இந்துக்கோயில் ஒன்று அமைக்க அப்பகதி இந்து சமூக தலைவர்களால் முடிவு செய்யப்பட்டது. 1983 ம் ஆண்டு கோயில் அமைக்கும் எண்ணம் முழு வடிவம் பெற்றது. 1989 ம் ஆண்டு தம்பா பகுதிக்கு அருகில் உள்ள காரோல் வுட் பகுதியில் இந்திய கலாச்சார முறைப்படியான கோயில் அமைக்க நிலம் பெறப்பட்டது. பின்னர் 3 வருடங்களுக்கு பிறகு பூமி பூஜை போடப்பட்டு, இரண்டு ஆண்டுகளுக்கு பின்னர் 1994 ம் ஆண்டு இக்கோயிலின் அஸ்திவாரம் அமைக்கும் பணிகளும் நடத்தப்பட்டது. சுமார் இரண்டு ஆண்டுகளுக்கு பின்னர் நீள்சதுர நிலப்பரப்பில் கோயிலின் அடிப்படை பணிகள் நடத்தப்பட்டு, 5 தெய்வங்கள் பிரதிஷ்டை செய்யப்பட்டன. மேலும் அலங்கரிக்கப்பட்ட சுவர் ஓவியங்கள் அமைக்கும் பணிகளும் நடைபெற்றன. கோயிலின் முதல் கட்டப்பணிகள் நிறைவு செய்யப்பட்டு, 1996 ம் ஆண்டு ஐந்து நாள் விழாவாக இக்கோயிலின் கும்பாபிஷேகம் நடத்தப்பட்டது. அதன் பின்னர் தம்பா பகுதியில் முக்கிய இந்துக்கோயிலாக செயல்படத் துவங்கியது. இக்கோயிலில் இரண்டு குருக்கள்களும் சில சமயங்களில் 3 குருக்கள்களும் பாரம்பரிய முறைப்படியும் வேத கலாச்சார முறைப்படியும் பூஜைகள் நடத்தப்பட்டன. 2000 ம் ஆண்டு கோயிலின் 2 ம் கட்டப்பணிகளும், மேம்பாட்டுப் பணிகளும் துவங்கப்பட்டது. ஆகம விதிப்படி திராவிட முறையில் சுவர்கள் மற்றும் தூண்கள் ஆகியவற்றின் மூலம் கோயிலின் மெருகூட்டும் பணிகள் நடத்தப்பட்டது. இந்திய கட்டிடக்கலை நிபுணரான முத்தைய்யா ஸ்தாபதி தலைமையில் தென்னிந்திய சிற்பக் கலைஞர்களால் இக்கோயிலின் கட்டிடப் பணிகள் வேகமாக நடைபெற்றன. அழகிய வேலைப்பாடுகளுடனான அலங்கரிக்கப்பட்ட தெய்வங்களின் விமானங்கள் உருவாக்கப்பட்டன. அத்துடன் இக்கோயிலின் ராஜகோபுரம் மிகப் பெரிய அளவில் பிரம்மாண்டமாக உருவாக்கப்பட்டது. இதுவே வட அமெரிக்க கோயில்களில் உள்ள மிக உயரமான கோபுரமாகும். இந்த கோபுரம் மிக அழகிய கலைநயத்துடன் வடிவமைக்கப்பட்டது. இக்கோயிலின் விரிவாக்கப் பணிகள் மற்றும் கட்டுமானப் பணிகள் நிறைவு செய்யப்பட்டது, மார்ச் 29 முதல் ஏப்ரல் 2 வரை மிக பிரம்மாண்ட முறையில் இக்கோயிலின் கும்பாபிஷேகம் நடத்தப்பட்டது. இந்த கும்பாபிஷேக விழாவில் சுமார் 6000 பக்தர்கள் கலந்து கொண்டனர். ஐந்து நாட்கள் நடைபெற்ற இந்த பிரம்மாண்ட விழாவில் பல்வேறு கலாச்சார நிகழ்வுகள் மற்றும் ஆன்மிக சொற்பொழிவுகளும் நடத்தப்பட்டன.  கோயில் நேரங்கள் :  திங்கள் - வெள்ளி : காலை 9.30 - 11.30 ; மாலை 6.00 - இரவு 9.00  சனி, ஞாயிறு : காலை 9.30 - இரவு 9.00  கோயில் முகவரி : Hindu Temple of Florida, 5509 Lynn Road, Tampa, FL 33624 தொலைப்பேசி : (813) 962 6890  பேக்ஸ் : (813) 964 0060  இ-மெயில் : info@hindutempleofflorida.org  இணையதளம் : www.hindutempleofflorida.org மத்திய புளோரிடாவின் பக்தி பரவசமூட்டும் இந்துக்கோயில் நவம்பர் 26,2008,16:23  IST மேலும் படங்கள் >> தலவரலாறு : அமெரிக்காவின் மத்திய புளோரிடா மாகாணத்தில் உள்ள காசல்பெரி பகுதியில் அமைந்துள்ள அதிநவீன இந்துக்கோயில் பக்தி பரவசம் ஊட்டம் விதமாக அமைந்துள்ளது. மத்திய புளோரிடா பகுதியில் உள்ள இந்து சமுதாயத்தினர் அனைவரின் நீண்ட நளைய கனவை நினைவாக்கும் விதமாக 2005 ம் ஆண்டு ஜுன் 19 ம் தேதி அன்று ஆயிரக்கணக்கான பக்தர்கள் புடைசூழ இக்கோயிலின் திறப்பு விழா நடைபெற்றது. பக்தர்கள் அனைவரின் 4 ஆண்டு கால கடின உழைப்பின் பயனாக இக்கோயில் உருவாக்கப்பட்டது. இக்கோயில் அனைத்துத் தரப்பான இந்துக்களுக்கும் பயனளிக்கும் விதமாக இக்கோயில் வழிபாட்டத் தலமாக மட்டுமல்லாது இந்திய கலைகள் மற்றும் கலாச்சாரங்களை கற்பிக்கும் மையமாகவும் செயல்பட வேண்டும் என இந்து சமுதாயத்தினர் தீர்மானித்தனர். மத்திய புளோரிடா பகுதியில் அமைந்துள்ள இக்கோயில் வேத கலாச்சார முறைப்படியும், வாஸ்து சாஸ்த்திர முறைப்படியும் கட்டப்பட்டுள்ளது. இக்கோயிலின் கட்டுமானப்பணிகள் நிறைவு செய்யப்பட்டு, 2005 ம் ஆண்டு ஜுன் மாதம் 19 ம் தேதி இக்கோயில் திறக்கப்பட்டது. இப்போது இக்கோயில் இந்து சுமுதாயத்தின் மதம், கூட்டு வழிபாட்டுமுறை, தத்துவங்கள் மற்றும் ஆன்மிக கலாச்சாரங்கள் ஆகியன ஒருங்கிணைந்த அமைப்பாக இக்கோயில் செயல்பட்டு வருகிறது. இந்தியாவின் கலாச்சாரம் மற்றும் கலைகளை எதிரொலிக்கும் விதமாக இக்கோயிலின் வழிபாட்டு முறைகள், வழிபாட்டு நேரங்கள் ஆகியன அமைந்துள்ளன. கோயில் நேரங்கள் :  திங்கள் - வெள்ளி : காலை 8.30 - பகல் 12.00 ; மாலை 5.00 - இரவு 8.30  சனி, ஞாயிறு : காலை 8.00 - இரவு 8.00  கோயில் முகவரி : Hindu Society of Central Florida, 1994 Lake Drive, Casselberry, Fl - 32707 தொலைப்பேசி : (407) 699-5277  பேக்ஸ் : (407) 699-0633  இ-மெயில் : info@hindutempleorlando.org இணையதளம் :www.hindutempleorlando.org நியூயார்க் ஸ்டாடென் தீவின் ஒரே இந்துக்கோயில் நவம்பர் 24,2008,15:46  IST தலவரலாறு : அமெரிக்காவின் நியூயார்க் மாகாணத்தில் ஸ்டாடென் தீவுப் பகுதியில் உள்ள அமைதியான ஆலயம் ஸ்டாடென் தீவு இந்துக் கோயிலாகும். இக்கோயிலின் இரண்டாம் கட்ட பிரணபிரதிஷ்டை விழா 2008 ம் ஆண்டு மே மாதம் 23 முதல் 25 ம் தேதி வரை நடத்தப்பட்டது. மூன்று நாள் விழாவாக கொண்டாடப்பட்ட பிரணபிரதிஷ்டை விழாவில் இக்கோயிலின் இந்து தெய்வங்கள் பிரதிஷ்டை செய்யப்பட்டன. இதில் சிவன் மற்றும் பார்வதி, கார்த்திகேயன், துர்க்கை அம்மன், மகாலட்சுமி, சரஸ்வதி, ராதா கிருஷ்ணன் மற்றும் ஹனுமன் ஆகிய தெய்வங்களும் அடங்கும். இந்த தெய்வ சிலைகள் இந்தியாவின் ராஜஸ்தானில் செய்யப்பட்டு, ஸ்டாடென் தீவிற்கு கொண்டு வரப்பட்டதாகும். இக்கோயிலில் உள்ள கார்த்திகேயரின் சிலை கிரானைட் கல்லாலும், மற்ற சிலைகள் அனைத்தும் வெள்ளை நிற மார்பிள் கல்லாலும் செய்யப்பட்டதாகும். ராமர் இக்கோயிலின் முக்கிய தெய்வமாக போற்றப்படுவதால், இக்கோயில் ராமர் திருக்கோயில் எனவே அழைக்கப்படுகிறது. நியூயார்க் மாகாணத்தில் உள்ள ஒரே ராமர் கோயில் இதுவே ஆகும். இக்கோயில் ஸ்டாடென் தீவில் உள்ள சிறிய அளவிலான இந்து சமூகத்தினரின் நீண்ட நாள் கனவாகும். இக்கோயிலுக்கு எளிதில் சென்று வழிபடும் விதமாக ஃப்ளூயிசிங் பகுதியில் உள்ள அருள்மிகு மகா வல்லப கணேசர் திருக்கோயிலுக்கும், நியூஜெர்சி பகுதியில் உள்ள அருள்மிகு வெங்கடேஷ்வரர் திருக்கோயிலுக்கும் மிக அருகிலேயே அமைக்கப்பட உள்ளது. மேலும் இக்கோயிலில் பிரார்த்தனைகள் மட்டுமல்லாது மதம் மற்றும் கலாச்சார நிகழ்வுகளும் நடத்துவதற்கு ஏற்ற வசதிகளுடனும் இக்கோயில் அமைக்கப்பட உள்ளது. இக்கோயிலில் இந்து கலாச்சார நிகழ்வுகள், கல்வி நிகழ்வுகள், யோகா பயிற்சிகள் மற்றும் பாலவிகார் எனப்படும் சிறுவர்களுக்கான பள்ளியும் போன்றவைகளும் கோயில் நிர்வாக உறுப்பினர்களாலும், பக்தர்களாலும் நடத்தப்பட உள்ளன.  தினசரி பூஜைகள் :  வார நாட்கள் : மாலை 6.00 - இரவு 9.00  அர்ச்சனை : இரவு 8.30  சனி, ஞாயிறு : காலை 10.00 - பகல் 1.00  அர்ச்சனை : பகல் 12.00  கோயில் முகவரி : Staten Island Hindu Temple, 1318 Victory Blvd, Staten Island, NY 10301. தொலைப்பேசி : (718) 727-5151  இ-மெயில் : admin@sihindutemple.com இணையதளம் : www.sihindutemple.com இந்து-சீக்கிய மதங்களை இணைக்கும் நியூயார்க் சத்யநாராயண மந்திர் நவம்பர் 21,2008,16:14  IST தலவரலாறு : அமெரிக்காவின் நியூயார்க் மாகாணத்தில் உள்ள ஜாக்சன் ஹைட்ஸ் பகுதியில் அமைந்துள்ளது இந்து மற்றும் சீக்கிய மதங்களை இணைக்கும் அருள்மிகு சத்யநாராயணர் திருக்கோயில். இக்கோயில் குருமந்திர் என்ற சிந்தி கலாச்சார அமைப்பால் நிர்வகிக்கப்படுகிறது. இந்த குரு மந்திர் சீக்கியர்களின் வழிபாட்டுத்தலமான குருத்வாராகவும், இந்துக்களின் வழிபாட்டுத்தலமான கோயிலாகவும் விளங்குகிறது. சிந்தி கலாச்சார முறைப்படி அமைந்த இக்கோயிலில் இரு மதத்தினர்களும் வழிபாடு நடத்தி வருகின்றனர். நியூயார்க்கில் உள்ள சத்ழநாராயண மந்திர் பழமையான கோயிலாகவும், இப்பகுதியில் உள்ள ஒரே குருமந்திராகவும் அமெரிக்கர்களால் கருதப்படுகிறது. நியூயார்க் மாகாணத்தில் இந்திய சமூகத்தினர் வளர்ச்சி அடைய துவங்கியதும் வழிபாடுகள் முதலிவற்றை அவர்களின் வீடுகளிலும் வாகனம் பழுதுபார்க்கும் இடங்களிலும் நடத்தினர். சத்ய நாராயணர் கோயில் கட்டுவதற்கான இட உதவி மற்றும் பொருளுதவி ஆகியன பொதுமக்கள், குறிப்பாக சிந்தி சமுகத்தினரிடமிருந்து பெறப்பட்டது. இக்கோயிலில் அஹிம்சா வழி பற்றிய இந்து மத போதனைகள் மற்றும் பிரார்த்தனைகள் , சொற்பொழிவுகள் போன்றவைகளும் போதிக்கப்படுகின்றன. மேலும் இக்கோயிலில் பாசுரங்கள் பாடுவது மற்றும் ஆர்வலர்களின் நிகழ்வுகள் போன்றவைகளும் ஊக்குவிக்கப்படுகிறது. இக்கோயிலில் ஆன்மிகவாதிகள், புரோகிதர்கள் ஆகியோர் பெருமைபடுத்தப்பட்டு கவுரவிக்கப்படுகின்றனர். மேலும் வழிபாட்டுக் கூட்டங்களின் போது அவர்களின் ஆன்மிக சொற்பொழிவுகளும் இக்கோயிலில் நடத்தப்படுகின்றன. இக்கோயில் 1987 ம் ஆண்டு நிறுவப்பட்டது.  கோயில் நேரங்கள் :  திங்கள் - வெள்ளி : காலை 7.30 - பகல் 1.00 ; மாலை 4.00 - இரவு 9.00  சனி, ஞாயிறு, விழாக்காலங்கள் மற்றும் விடுமுறை நாட்கள் : காலை 7.30 - இரவு 9.00  கோயில் முகவரி : Satya Narayan Mandir, 75-15 Woodside Avenue, Jackson Heights, N.Y. 11373 தொலைப்பேசி : (718) 899-8863  இ-மெயில் : mandirny@yahoo.com  இணையதளம் : http://satyanarayanmandirnewyork.org குவார்டு சிட்டி இந்துக்கோயில், இல்லினோய்ஸ் நவம்பர் 21,2008,16:04  IST மேலும் படங்கள் >> தலவரலாறு : அமெரிக்காவின் இல்லினோய்ஸ் மாகாணத்தில் உள்ள ராக்ஸ் ஐலாந்து பகுதியில் உள்ள பிரம்மாண்ட ஆலயம் குவார்டு சிட்டி இந்துக்கோயிலாகும். 2001 ம் ஆண்டு டிசம்பர் மாதம் 2 ம் தேதி குவார்டு சிட்டி பகுதியில் உள்ள லோகநாதன் குமிட்யாலா என்பவரது இல்லத்தில் இந்துக்கள் சிலர் ஒன்று கூடி இப்பகுதியில் இந்துக்கோயில் அமைக்க தீர்மானித்தனர். 2002 ம் ஆண்டு ஜனவரி 12 ம் தேதி குவார்டு சிட்டி பகுதியில் இந்துக்கோயில்கள் அமைக்கும் பணியில் அப்பகுதியில் வாழ்ந்த இந்துக்கள் ஈடுபட துவங்கினர். இந்த இந்து மதக் கூட்டங்களின் விளைவாக சுமார் 8000 சதுரடி நிலப்பரப்பில் வழிபாட்டுத்தலம் மற்றும் கலாச்சார நிகழ்வுகளுக்கான இடம் நவீனமயமாக உருவாக்கப்பட்டது. பல தடைகளைத் தாண்டி வெற்றிகரமாக இக்கோயிலின் பணிகள் உருப்பெறத் துவ ங்கின. இப்பகுதியில் வாழ்ந்த இந்துக்களின் பெருத்த ஆதரவுடன் நிலைத்த கட்டிடமாக டக்கோயில் வடிவமைக்கப்பட்டது. இதற்காக இந்துக்கள் பலர் பல வழிகளிலும் பொருள் உதவி செய்தனர். இக்கோயிலில் சுமார் 7294 சதுரடி பரப்பளவில் பாலாஜி, ராதா கிருஷ்ணன், சீதா ராமா, நரசிம்மர், சிவன், பார்வதி, விநாயகர் மற்றும் முருகன் போன்ற தெய்வங்களை உள்ளடக்கிய பிரம்மாண்ட ஆலயமாக குவார்டு சிட்டி இந்துக்கோயில் உருவானது. 2007 ம் ஆண்டு ஏப்ரல் 27 முதல் 29 ம் தேதி வரை கொண்டாடப்பட்ட நூதன உற்சவ மூர்த்தி சம்ப்ரோக்ஷன விழாவின் போது ஏப்ரல் 28 ம் தேதி இக்கோயிலின் மிகப் பெரிய அளவில் இக்கோயிலின் திறப்பு விழா நடத்தப்பட்டது. <உலகம் முழுவதிலும் இருந்து நூற்றுக்கணக்கான இந்துக்களின் நன்கொடைகளை கொண்டு இக்கோயில் வளர்ச்சி அடைந்தது. இக்கோயிலுக்கான கட்டுமானப் பணிகள், நிதி திரட்டும் பணிகள், வடிவமைத்தல் போன்ற பணிகளில் ஏராளமானோர் ஈடுபட்டனர். இல்லினோய்ஸ் மாகாணத்தில் லாப நோக்கமற்ற அமைப்பாக செயல்பட்டு வரும் இக்கோயிலுக்கு உலகம் முழுவதிலும் இருந்து ஏராளானமான பக்தர்கள் வந்து செல்கின்றனர்.  கோயில் நேரங்கள் :  நவம்பர் 3 - மார்ச் 31 :  திங்கள் - வெள்ளி : காலை 10.00 - பகல் 12.00 ; மாலை 5.00 - இரவு 7.00  சனி, ஞாயிறு : காலை 9.00 - இரவு 7.00  ஏப்ரல் 1 - அக்டோபர் 31 :  திங்கள் - வெள்ளி : காலை 9.30 - பகல் 11.30 ; மாலை 5.30 - இரவு 8.00  சனி, ஞாயிறு : காலை 9.00 - இரவு 8.00  தினசரி பூஜை :  காலை 9.30 - 10.00 : வெங்கடேஷ்வர சுப்ரபாதம்  10.00 : நித்ய ஆராதனை  இரவு 7.15 - 7.30 : வெங்கடேஷ்வரருக்கு இறுதி அர்ச்சனை மற்றும் சயன உற்சவம்  7.30 : கோயில் நடை சாற்றல்  கோயில் முகவரி : Quad City Hindu Temple 9801 14th St W Rock Island, IL 61201 (Near Ridgewood Elementary School) தொலைப்பேசி : 309-787-HIND (4463)  இ-மெயில் : info@qchindutemple.com  இணையதளம் : www.qchindutemple.com  கனடாவின் விக்டோரியா மாகாணத்தில் உள்ள சானிச்டன் பகுதியில் அமைந்துள்ளது வட இந்திய முறையிலான இந்துக்கோயில். 1976 ம் ஆண்டு ஜுலை ஜியன் சந்த் சாஸ்த்திரி, குரு தத் ஜகரா என்பவரது வீட்டிற்கு சென்ற போது விக்டோரியா பகுதியில் இந்துக் கோயில் அமைப்பதற்கான திட்டம் உருவாக்கப்பட்டது. இந்த திட்டம் விக்டோரியா இந்து பரிசத் அமைப்பினரால் உருவாக்கப்பட்டது. ஜகரா என்பவரின் குடும்பத்தினரின் ஆரதவுடன் இந்துக்கள் பலர் இந்த புதிய திட்டத்தில் இணைந்தனர். அச்சமயத்தில் விக்டோரியா பகுதியில் இருந்த இந்து சமுதாயத்தினர் தங்களின் இல்லங்களிலேயே கீர்த்தனைகள் மற்றும் பூஜைகள் நடத்தத் துவங்கினர். இந்த வழிபாடுகள் அடுத்த சில ஆண்டுகள் வரை தொடர்ந்தது. 1979 ம் ஆண்டு ஜனவரி 14 ம் தேதி விக்டோரியா இந்து பரிசித் என்ற பெயரில் பதிவு செய்யப்பட்டது. திருவிழாக்கள் மற்றும் வழிபாடுகள் ஆகியன டென்னிஸன் பகுதியில் வாடகைக்கு எடுக்கப்பட்ட பல்வேறு தேவாலய கூடங்களிலும், தனியார் கட்டிட வளாகங்களிலுமே நடத்தப்பட்டது. அதே சமயம் புதிய கோயில் அமைப்பதற்காக நிலம் தேடும் பணிகளும் நடைபெற்று வந்தன. மிக விரைவிலேயே நிதி சேகரிக்கப்பட்டு, 1934 ம் ஆண்டு ஆங்கிலேய மரபுப்படி அமைந்த தேவாயலம் ஒன்று பெறப்பட்டது. மிகுந்த பாழடைந்த நிலையில் இருந்த அந்த தேவாலயத்தை சீரமைத்து மாற்றி அமைக்கும் பணிகள் துவங்கப்பட்டது. அப்பகுதியில் உள்ள மிகுந்த நேர்த்தியுடன் அமைக்கப்பட்ட கட்டிடங்களில் ஒன்றான இந்த தேவாலயத்தில் விளக்குகள் அமைக்கப்பட்டு உணவுக்கூடம், வழிபாட்டுக் கூடம் உள்ளிட்ட பகுதிகளும் சீரமைக்கப்பட்டன. விக்டோரியா இந்து வழிபாட்டு கூடம் அமைதியான முறையில் அழகுற அமைவதற்கு பர்மோத் குமார் பெரிதும் உறுதுணை புரிந்தார். கோயிலில் தற்போதுள்ள சுவாமி சிலைகள் ஜகரா என்பவரால் வழங்கப்பட்டதாகும். 1999 ம் ஆண்டு ஆகஸ்ட் 25 ம் தேதி இக்கோயிலின் மூர்த்தி ஸ்தாபனம் நடைபெற்றது. இக்கோயிலின் ஆதரவாளர்கள் பலரின் ஒத்துழைப்பு மற்றும் நன்கொடைகளைக் கொண்டு இக்கோயில் இயங்கி வருகிறது. பின்னர் கூடுதல் அமைப்புக்களும், மேம்பாட்டுப் பணிகளும் நடத்தப்பட்டன. இக்கோயில் தினந்தோறும் காலை மற்றும் மாலை நேரங்களில் திறந்திருக்கும். மேலும் காலை மற்றும் மாலை வேளைகளில் ஆரத்தி மேற்கொள்ளப்படுகிறது. செவ்வாய்க்கிழமை தோறும் இரவு 7.45 மணிக்கு ஹனுமன் சகஸ்ரநாம பாராயணம் நடத்தப்படுகிறது. இக்கோயிலில் ஏராளமான பக்தர்கள் வந்து வழிபட்டுச் செல்வதுடன், இந்து திருவிழாக்களும் இக்கோயிலில் கொண்டாடப்படுகின்றன.  தலவரலாறு : கோயில் நேரங்கள் :  திங்கள் - வியாழன் : காலை 9.00 - 10.00 ; மாலை 6.00 - இரவு 7.30  செவ்வாய்கிழமை : இரவு 7.00 - ஹனுமன் சகஸ்ரநாமம் ; இரவு 7.45 - ஆரத்தி  வெள்ளி - ஞாயிறு : காலை 8.00 - 11.00 ; மாலை 6.00 - 7.30  கோயில் முகவரி : Hindu Temple of Victoria, 1934 Cultra Avenue, Saanichton, Victoria, BC, V8M 1L7, Canada. தொலைப்பேசி : 250.652.6626  இ-மெயில் :  webmaster@victoriahindutemple.com இணையதளம் :  www.victoriahindutemple.com