||gītārthasaṅgrahaḥ||

yatpadāmbhōruhadhyānavidhvastāśēṣakalmaṣaḥ|
vastutāmupayātō'haṃ yāmunēyaṃ namāmi tam||

svadharmajñānavairagyasādhyabhaktyēkagōcaraḥ|
nārāyaṇaḥ paraṃ brahma gītāśāstrē samīritaḥ||1||

jñānakarmātmikē nēṣṭē yōgalakṣyē susaṃskṛtē|
ātmānubhōtisiddhyarthē pūrvaṣaṭkēna cōditē||2||

madhyamē bhagavattattvayā'tha''tmyāvāptisiddhayē|
jñānakarmābhinirvartyō bhaktiyōgaḥ prakīrtitaḥ||3||

pradhānapuruṣavyaktasarvēśvaravivēcanam|
karmadhīrbhaktirityādi pōrvasēṣō'ntimōditaḥ||4||

asthānasnēhakārpaṇyadharmādharmadhiyā''kulam|
pārthaṃ prapannamuddiśya śāstrāvataraṇaṃ kṛtam||5||

nityātmāsaṅgakarmēhāgōcarā saṅkhyayōgadhīḥ|
dvitīyē sthitadhīlakṣā prōktā tanmōhaśāntayē||6||

asaktyā lōkarakṣāyai guṇēṣvārōpya kartṛtām|
sarvēśvarē vā nyasyōktā tṛtīyē karmakāryatā||7||

prasaṅgāt svasvabhāvōktiḥ karmaṇō'karmatā'sya ca|
bhēdā jñānasya māhatmyaṃ caturthādhyāya ucyatē||8||

karmayōgasya saukaryaṃ śaighryaṃ kāścana tadvidhāḥ|
brahmajñānaprakāraśca pañcamādhyāya ucyatē||9||

yōgābhyāsavidhiryōgī caturdhā yōgasādhanam|
yōgasiddhiḥ svayōgasya pāramyaṃ ṣaṣṭa ucyatē||10||

svayā'tha''tmyaṃ prakṛtyāsya tirōdhiḥ śaraṇāgatiḥ|
bhaktabhēdaḥ prabuddhasya śraiṣṭyaṃ saptama ucyatē||11||

aiśvaryā'kṣarayā'tha''tmyabhagavaccaraṇārthinām|
vēdhyōpādēyabhāvānāmaṣṭamē bhēda ucyatē||12||

svamāhātmyaṃ manuṣyatvē paratvaṃ ca mahātmanām|
viśēṣō navamē yōgō bhaktirūpaḥ prakīrtitaḥ||13||

svakalyāṇaguṇānantyakṛtsnasvādhīnatāmatiḥ|
bhaktyutpattivivṛddhyarthā vistīrṇā daśamōditā||14||

ēkādaśē svayā'tha''tmyasākṣātkārāvalōkanam|
dattamuktaṃ vidiprāptyōrbhaktyēkōpāyatā tathā||15||

bhaktēḥ śrāṣṭyamupāyōktiraśaktasya''tmaniṣṭatā|
tatprakārastvatiprītiḥ bhaktērdvādaśa ucyatē||16||

dēhasvarūpamātmāptihēturātmaviśōdhanam|
bandhahēturvivēkaśca trayōdaśa udīryatē||17||

guṇabandhavidhā tēṣāṃ kartṛtvaṃ tannivartanam|
gatitrayasvamūlatvaṃ caturdaśa udīryatē||18||

acinmiśrādviśuddhācca cētanāt puruṣōttamaḥ|
vyāpanādbharanāt svamyadanyaḥ pañcadaśōditaḥ||19||

dēvāsuravibhagōktipūrvikā śāstravaśyatā|
tattvanuṣṭānavijñānasthēmnē ṣōḍaśa ucyatē||20||

aśāstramāsuraṃ kṛtsnaṃ śāstrīyaṃ guṇataḥ pṛthak|
lakṣaṇaṃ śāstrasiddhasya tridhā saptadaśōditam||21||

īśvarē kartṛtābuddhiḥ sattvōpādēyatā'ntimē|
svakarmapariṇāmaśca śāstrasārārtha ucyatē||22||

karmayōgastapastīrthadānayajñādisēvanam|
jñānayōgō jitasvāntaiḥ pariśuddhātmani sthitiḥ||23||

bhaktiyōgaḥ paraikāntaprītyā dhyānādiṣu sthitiḥ|
trayāṇāmapi yōgānāṃ tribhiranyōnyasaṅgamaḥ||24||

nityanaimittikānāṃ ca parārādhanarūpiṇām|
ātmadhaṣṭēsrayō'pyētē yōgadvārēṇa sādhakāḥ||25||

nirastanikhilājñānō dṛṣṭvā''tmānaṃ parānugam|
pratilabhya parāṃ bhaktiṃ tayaiva''pnōti tatpadam||26||

bhaktiyōgastadarthī cēt samagraiśvaryasādhakaḥ|
ātmārthī cēt trayō'pyētē tatkaivalyasya sādhakāḥ||27||

ēkāntyaṃ bhagavatyēṣāṃ samānamadhikāriṇām|
yāvatprāpti parārthī cēt tadēvātyantamaśnutē||28||

jñānī tu paramaikantī tadāyattatmajīvanaḥ|
tatsaṃślēṣaviyōgaikasukhaduḥkhastadēkadhīḥ||29||

bhagavad\mbōx{}dhyānayōgōktivandanastutikīrtanaiḥ|
labdhātmā tandataprāṇamanōbuddhīndriyakriyāḥ||30||

nijakarmādi bhaktyantaṃ kuryāt prītyaiva kāritaḥ|
upāyatāṃ parityajya nyasyēddhēvē tu tāmabhīḥ||31||

ēkāntātyantadāsyaikaratistatpadamāpnuyāt|
tatpradhānamidam śāstramiti gītārthasaṅgrahaḥ||32||

||iti śrī yāmunācāryaviracitaṃ gītarthasaṅgrahaḥ sampūrṇaḥ||

Guruji